Aktres, nakikipag-ayos sa inutangang bangko matapos idemanda

Hindi pa nagli-leak sa media ang tungkol sa utang ng actress sa bangko na P7 million. Naka-demanda na ang actress pero pinakikiusapan pa raw nito ang bangko na magkaroon ng settlement out of court.

Ginamit daw sa negosyo ang nasabing halaga ng actress pero hindi lahat nang pinasukan niyang business ay nag-succeed. Kaya daw ang ending, demanda.

Naka-file na sa korte ang kaso pero wala pang nakaka-trace.

* * *

Negosyante na rin ang magaling na TV journalist/host na si Arnold Clavio. Partner siya sa bagong bukas na Novel Dental Implant Group na located sa front ng St. Paul The Apostle Church along Mother Ignacia in Quezon City.

Nagkaroon sila ng opening last Friday.

Congrats Igan...

* * *

Dapat bumisita ang crew ng Noypi, ang bagong programa sa ABS-CBN, Monday night hosted by Ms. Christine Bersola and Gabe Mercado sa mga simbahan. Nakakaaliw panoorin ang nasabing programa dahil dini-discover nila kung napi-preserve pa ba nating mga Pilipino ang mga kaugaliang Pinoy tulad ng pagma-mano at paggamit ng po at opo among others.

Limot na kasi ngayon ng kahit ng mga nagsisimba na maging gentleman sa mga nakatatanda.

Wala na silang pakialam kung may edad ang nakatayo at silang malalaki ang katawan ay mga prenteng nakaupo habang nakikinig sa pari.

Ang mga babae pa ang nagmamagandang loob na magpa-upo sa matatandang nakikita nilang hirap na nakatayo.

Hoy Noypi, bisitahin n’yo ang mga simbahan pag Linggo. ‘Yung maraming nagsisimba at tayuan, para ma-test natin kung majority ng mga kalalakihan natin ay ungentleman na.

Actually, hindi lang sa simbahan magandang bumisita. Kundi sa mga parking areas na masikip. Tingnan ninyo dahil ang daming ungentlemen. Imagine, naka-ready ka nang mag-park tapos biglang may papasok na galing kung saan. At tingnan n’yo rin ang ibang mga gentleman naman na nagmamagandang loob na tumulong pag nakita nilang hirap mag-parking.

Hay ang daming kuwento na puwedeng i-feature ang Noypi na nakakaaliw panoorin.

* * *

Salve Asis’ e-mail - [email protected]