Dingdong, kinaladkad ng kabayo!

Nahirapan din sa ilang eksena sa Eternity si Dingdong Dantes. Hindi ito nagpa-double nang kaladkarin ng kabayo.

"Naka-take 4 ako sa eksenang ito kung saan tumagal din ito ng 40 minutes at kinunan sa iba’t ibang anggulo. Nagkaroon ako ng galos sa mahirap na eksenang ito," ani Dingdong.

Alyssa, Nakasama Na Ang Ina After 15 Years Ng Paghihiwalay

Sa presscon ng Love To Love Musicale (Jass Got Lucky) ay nakakwentuhan namin si Alyssa Alano. Tinanong namin ang tungkol sa kanyang ina na hindi pa nakapiling nito since birth dahil lumaki sa kanyang Tita sa Tarlac.

"Umuwi na siya mula sa Kuwait. Nag-asawa rin siya nang maghiwalay sila ng daddy ko. Itinira ko siya ngayon sa isang apartment at ako naman ay nangungupahan ng bahay sa may Visayas Ave., kasama ang pinsan ko. Pangarap ko na magkaroon ng townhouse kaya nag-iipon akong mabuti," aniya.

Halos lahat ng shows ng Siete ay narun ito at mainstay na ng Startalk, Lagot Ka Isusumbong Kita at Teka Muna sa Channel 5 kasama si Joey de Leon.

Sa Love To Love Season 5 ay leading lady siya ni Joey Marquez.

Cogie, Na-Realize Ang Pagkakamali

Nagbabalik-showbiz si Cogie Domingo bilang rebeldeng anak ni Coach Gabby (Joey Marquez) sa Love To Love Musicale. Binigyan siya ng ikalawang tsansa ng Siete.

"I’m happy sa pagbabalik-showbiz ko. Mabuti na lang at binigyan ako ng second chance," anang aktor.

Sinabi pa rin ni Cogie na napagtanto niya ang pagkakamali at gustong magbalik-sigla ang career.

Ano naman ang ginawa ng aktor nang manamlay ang career?

"Nag-gym ako at nag-enrol sa John Robert Powers for Personality Development Program para maging well-rounded person ako," aniya.

BLIND ITEM: Isa Pang Young Actress Naliligaw Ng Landas

Ayon sa tsika ng isang source gumigimik na rin ang sikat na young actress. Kahit mag-isa ay gumigimik na ito sa bar at hindi nagpapaalam sa ina. Para di makilala ay nagsusuot ito ng maong jacket at pants at itinatago ang mukha ng cap. Malakas na rin itong manigarilyo at natuto na ring uminom ng alak.