EB Babes, ayaw patulan ang patutsada ng Sexbomb!

Palibhasa kumuha sila ng psychological test sa kanilang 30 days training camp na ipinagkaloob sa kanila ng Eat Bulaga ay pawang magaganda ang attitude ng 10 myembro ng EB Babes. Kaya, naman kahit na ano’ng mga patutsada pa ang naririnig nila mula sa naunang grupo sa kanila sa Eat Bulaga ay dedma na lang ang mga nagagandahan at mga talented girls na ito. Sourgraping lang naman kasi ang unprofessional na grupo na nawala sa naturang number one noontime show ng bansa. Aba’y kung pagod na nga sila sa kasisigaw sa Laban o Bawi eh, di mamahinga na sila ng tuluyan.

Going back to EB Babes aba magtu-two weeks pa lang ang mga ito na nagsasayaw sa Laban o Bawi pero, marami na agad silang fans. Samantala, tutok lang po kayo Mondays to Saturdays 12 noon sa Eat Bulaga dahil ipinapakita rito ang mga daily activities ng inyong mga favorite EB Babes. Exciting ito kaya’t huwag n’yong palalampasin. — Peter S. Ledesma