Juliana & Sunshine friends na

May malaking story na any moment ay parang bomb na magi-explode. Long overdue na ang nasabing story. Dapat ay matagal na raw sumabog ang nasabing kuwento. Pero parating nauudlot ayon sa source dahil nawawalan ng chance na magsalita ang taong involve. Ngayon daw ay ready na ang nasabing tao na na-involve sa isang kilalang actress.

Maraming kuwento ang nasabing controversial na non-showbiz guy na na-involve sa isang actress ayon pa sa source. May mga hawak daw itong proof na magpapatunay sa kanyang sinasabi ayon sa isang source ng Baby Talk.

Basta malaking kuwento ito pag nagkataon. Meron pang binabanggit na pera ang source ng Baby Talk kaya abangan…

* * *

All’s well between Juliana Palermo and Sunshine Cruz. "Friends na kami ni Sunshine. Long forgotten na ang issue. Nagti-text na kami thru a friend," say ni Juliana Palermo when asked tungkol sa present status ng set-up nila ni Sunshine na common knowledge na pinagselosan noon nang gawin nila ni Cesar Montano ang Panaghoy sa Suba.

Hindi pa raw sila nagti-text nang silang dalawa pa lang. Pero napi-feel na ni July na wala na silang problema at solved na by this time kung anumang misunderstanding ang nangyari sa kanila noon.

* * *

Very proud ang beauty expert na si Bambbi Fuentes dahil isa-isang nagkakaroon ng career ang grupong D’Freemales na binuo nila ng special friend niyang si Josh.

In fairness, ang isa sa kanila, may sariling pelikula na, ang Jupit. Si Tim Espinosa ang starring sa Jupit na showing na next week.

Isa pang nagki-create na rin ng sariling pangalan ay si John Rickson Duhig. Si John ay rumampa sa Bench Fever at kasama rin sa pelikulang Jupit as Tim’s group mate.

"Masaya ako para sa kanila dahil hindi lang talaga sa dancing sila magagaling. May mga hidden talents sila na puwedeng i-develop," pagmamalaki ni Bambbi na kagagaling lang sa States.

Sa Jupit nga, hindi niya ini-expect na makaka-arte si Tim. Kasi nga wala pala itong experience kahit konti sa acting. Eh biglang dumating ang opportunity na gumawa ng digifilm. "Magaling siya for a newcomer. Walang naging problema sa kanya ang director ng movie at naging smooth ang work niya hanggang sa natapos ang movie," added Bambbi.

Bukod sa pagma-manage ng kanyang chain of beauty saloons at pagma-manage sa D’Freemales, busy din si Bambbi sa pagma-manage ng restaurant nila nina James Yap, ang Cencillo sa Esquinita. Mexican food ang specialty ng resto at yummy ang food. Minsan na kaming nag-lunch sa Cencillo at authentic Mexican food ang lasa. Galing kasi sa Mexican resto ang chef nila kaya delicious ang food.

* * *

Sure na maraming naiinggit ngayon kay Toni Gonzaga sa ABS-CBN. Ikaw na magkasabay-sabay ang pino-promote. Dalawang magkasunod na araw nag-presscon siya para sa dalawang project at habang nagpi-presscon at the same time, nagdi-distribute ng press release para sa movie nila ni Sam Milby na You Are The One.

Nauna siyang nag-presscon for Crazy For You, ang teleserye nila na kinunan pa sa Barcelona, Spain with Luis Manzano, John Prats, Melissa Ricks and Pokwang.

The following day, nasa harap na naman siya ng entertainment media for the launching naman ng Pinoy Dream Academy kung saan host sila nina Nikki Gil, Bianca Gonzales and Sam Milby na naka-schedule i-launch ngayong araw.

Sa Crazy For You si Luis ang partner niya at sa You Are The One and Pinoy Dream Academy naman si Sam. Confused ba siya kung sino sa dalawa? "In a way," nakangiting sagot ni Toni sa presscon ng Crazy For You.

Pero common knowledge na mas closer siya kay Sam dahil hindi na hina-hide ng Film-Am actor ang feelings niya. Kaya lang wala silang time for love dahil pareho silang busy sa dami ng trabaho.

Actually, oras din ang reason kung bakit hindi nag-materialize ang panliligaw sa kanya noon ni Luis.

Eh si Sam kaya makalusot?

* * *

Kung gimik ng mga sosyal ang trip n’yo, iisang bar sa Makati ang madalas puntahan, ang Embassy Bar.

Dito madalas may trouble:

Mga relasyong nabuo...

Mga pinag-uusapang gulo...

At mga iskandalong huli sa akto...

Isang masusing pagsilip

At makatotohanang pag-amin...

Ito ang mapapanood ngayong gabi sa Showbiz Stripped sa episode na Embassy Super Club: Night Spot o Hot Spot?

Guests sina Tim Yap, Keanna Reeves, Andrew Wolfe, Bianca King, Jackie Forster, Raven Villanueva, Mark Herras, Rainier Castillo, Alicia Mayer and Gwen Garci.

Inimbestigahan ni Ricky Lo ang mga tunay na pangyayari sa mga nagaganap sa nasabing bar na mapapanood ngayong gabi after Hokus Pokus sa GMA 7.