DIVO, ‘nalo sa theater elimination ng Philippine Idol!

Sa unang pagkakataon ay napaiyak ang singer na si Divo Bayer at nangyari lang ito sa Philippine Idol. Napaiyak ang singer sa unang gabi ng theater eliminations na ginanap sa main theater ng Cultural Center of the Philippines. Hindi lang si Divo ang napaiyak dito kundi ang ibang mga contestants sa round na ito. Mapapanood ang theater eliminations ng Philippine Idol sa August 20, Sunday, 8NG sa ABC.

Samantala, simula nung August 14 Lunes hanggang Biyernes, mapapanood na ang Idol Exclusive, ang 15-minute show na nagtatampok ng mga behind the scene at lahat ng tungkol dito. This week, may special interviews din kina Jasmine Trias at Jose Sway Penala on what it takes to be an idol.

Dating Taga-That’s Asensado Na!

Matagal ding panahon si Dan Yniguez, dating taga-That’s Entertainment sa Amerika. Nang matapos sa ere ang programa ay nagbukas ito ng negosyo pero hindi sinuwerte. Nagkaroon din ito ng matinding depresyon.

Nagpasya si Dan na pumunta ng Amerika at namasukan sa real estates. Naka-recover siya sa depresyon at nakapag-ipon ng pera.

Nang umuwi ng bansa ay nagpasya itong magbukas ng negosyo, isang bar na pinangalanang Club Q na ang ibig sabihin ay quality sa lahat ng bagay. Sanay na kasi ito sa produksyon kaya may big night sa club nito tuwing weekend na Search for Miss and Mr. Club Q bukod pa sa mga guest singers.

Malaki ang club nito at may malaking bilyaran sa second floor. Balak ding magprodyus ni Dan ng isang youth oriented show sa TV.

Matatagpuan ang kanyang Club Q sa may Libis, Acropolis na dinarayo na ng maraming customer.

Blind Item: May Amnesia Ang Actress-Singer

Nagtatampo ang ilang kapatid sa hanapbuhay dahil may sakit daw palang amnesia ang sikat na actress-singer na ito. Dalawang araw lang ang nakalipas nang magkaroon sila ng one-on-one interview sa aktres.

Nasalubong nila ito sa pasilyo ng network. Binati nila ang actress-singer pero dinedma lang sila. Parang di sila kilala.

Visible sa telebisyon at pelikula ang actress-singer na magaling din sa hosting job.