Bob ng PBB, kumusta na?

Isa si Bob dela Cruz sa mga housemates ng unang Pinoy Big Brother na tila nakakalimutan ng ABS CBN. Wala itong masyadong projects sa TV. Buti na lamang at hindi ito nababakante at mabenta sa mga out of town shows. Meron din siyang pinagkakaabalahang negosyo na malapit nang mag-open.

Busy din si Bob sa charity. Kahit nung di pa siya artista ay volunteer na siya sa Marilao Sped Center. Dumadaan siya rito tuwing umaga bago pumasok ng trabaho at magbibigay ng exercises sa mga bata at magbibilin ng instructions sa mga teachers.

Kahit nung artista na siya ay binigyan niya ang mga special children sa kanyang bayan sa Marilao ng SpongeBOB Day kapalit ng sakripisyo na ibinigay sa kanya ni Kuya sa PBB.

Binigyan din niya ng Art Therapy Session ang mga bata at nag-medical mission din siya sa Sped.

Spokesperson din siya ng DepEd, ginawaran siya ng Gawad KKK bilang Outstanding Youth of the Philippines. Isa siyang role model na naglilibot sa mga public schools para i-promote ang mga activities kaugnay ng paghirang ng taong ito bilang Education Year.

Pangarap ni Bob na maging isang TV host o mapabilang man lamang sa isang noontime show.

* * *

National Egg Month ang buwan ng Setyembre. Mismong si PGMA ang nagdeklara nito sa 2nd Philippine Egg Show na ginanap nung 2002.

Mayro’n ding mga ginaganap na Egg Festival o Egg Show para sa promosyon ng egg consumption. Gaya ng Sinuam Festival ng San Jose, Batangas, ang Central Luzon Egg Producers Congress Sa San Fernando, Pampanga, Bantayan Island Egg Festival at ang Philippine Egg Show ng Megamall.

Magkakaro’n muli ng isang Poultry (The Egg & Chicken Expo 2006) sa Set. 15, 16 at 17 sa SM Megamall.

Inorganisa ito ng National Federation of Egg Producers of the Philippines (NFEPP) at United Broilers Raisers Association (UBRA).

Magkakaro’n ng eggs & chicken crafts demo, poultry raisers videoke challenge, egg & chicken painting, cooking demo, chicken & egg puppet show, celebrity egg & chicken auction para sa GMA Kapuso Foundation, raffle at cholesterol /bone density checks.

* * *

Di pa nai-announce ang winner ng Shall We Dance:Celebrity Dance Challenge ng ABC5 ay napili ko nang winner si Roderick Paulate. Minani lang niya yung dalawang dance numbers niya. Again, he once more proved na wala pa ring kupas ang mga talento niya. Sa parteng ito, palagay ko wala nang pwedeng mag-kwestyon sa kakayahan ni Dick. Di lang siya isang magaling na aktor, magaling din siyang kumanta, isang exemplary TV host at a person with a good heart.

Congrats, Dick. Swerte ka rin dahil magaling din ang naibigay sa iyong ka-partner. — VERONICA R. SAMIO