Isa si
JB Magsaysay sa ipina-interview ng
ABS-CBN Star Magic bilang July b-day celebrators. Twenty seven years old na ito. Lalabas itong kontrabida sa
Star Magic Presents Bea Alonzo at
Ryan Agoncillo. Okey lang sa kanya ang gumanap ng character roles.
Nanggaling sa angkan ng pulitiko si JB at tatakbo ito bilang board member sa susunod na eleksyon,
Ang kanyang kapatid naman ay tatakbong mayor sa San Juan, La Union na balwarte rin ng pamilya nila.
| Katarina, Nagbabakasyon Sa Sweden |
Matapos maipalabas ang
White Lady ay nagtungo muna ng Sweden ang magandang young actress na si
Katarina Perez para magbakasyon at magpahinga muna. Pagkakataon na rin ito para madalaw niya ang ama na dun nagtatrabaho.
Pagbalik ni Katarina ay magiging visible ulit ito sa mga TV appearances. Maraming kumukumbinse kay Katarina na magpakuha ng sexy pictorial para sa men’s magazine at maging cover nila dahil bukod sa matangkad ay sexy pa rin ito.
| Blind Item: Dating Sikat Na Aktres, Naghihirap Dahil Sa Droga |
Nakausap ko ang ilang kapanabayang aktres ng artistang ito na sumikat din noon. Nakapag-asawa siya ng mayamang negosyante pero nagkahiwalay din. Labis nitong dinamdam ang pangyayari dahil naiwan sa kanya ang mga anak.
Ayon sa mga kaibigan niya ay natuto itong gumamit ng bawal na gamot at unti-unti nang napabayaan ang kabuhayan.
Gusto siyang iparehab ng pamilya at mga kaibigan pero tumatanggi ito palagi.