Yasmien, siniseryoso ba si Antonio Aquitania?

Pumayat na nang husto si Yasmien Kurdi at maraming nagpapalagay na umiinom ito ng diet pills. Nagwo-work-out daw siya ayon sa aktres at nagda-diet ngayon.

Pero ayon sa isang source ng GMA 7 ay mahilig pa rin itong kumain ng tsokolate at nagtatago ito sa set kapag kumakain na malakas magpataba.

Balitang may crush sila sa isa’t isa ni Antonio Aquitania kung saan itinutukso sila ng mga kasamahang staff sa Hokus Pokus.

Huwag sana itong seryosohin ni Yasmien kundi hanggang crush lang dahil may asawa’t anak na ang aktor.

PABORITO NI MOTHER

Hindi nakarating si Mark Herras sa presscon ng Eternity dahil nasa ospital ito at may karamdaman. Gayunpaman, nakarating naman ang leading lady nitong si Jennylyn Mercado na concerned din sa aktor nang malamang na-ospital ito.

Mahal ng Regal Entertainment ang loveteam nina Mark at Jennylyn dahil puro blockbuster ang kanilang mga pelikula gaya ng So Happy Together, Say That You Love Me at ang Blue Moon.

Hindi maipagkakaila na paborito ni Mother Lily si Jennylyn Mercado dahil halos lahat ng pelikula ng Regal ay kasama ito.

Ayon naman kay Mother Lily, kapag kasama ang magka-loveteam sa pelikula ay tiyak na kikita, sila uli ang magkapareha sa Eternity.

"Bakit ka paborito ni Mother Lily?" tanong ko kay Jenny.

"Kasi po hindi ako marunong magreklamo at sumusunod ako kung ano ang gusto niya. Propesyonal din po ako at di nag-iinarte sa set o dumarating ng late. Pinagbubuti ko rin po ang aking trabaho," sey ng magandang aktres.

Gagampanan ni Jennylyn ang papel ni Meagan, ang magiging kasintahan ni Mark (Cholo) sa makabagong panahon ng taong 2006 with Iza Calzado at Dingdong Dantes.

blind item: SIKAT NA MAGDYOWA, NAGHAHALIKAN SA SET

Ibinuking ng isang aktor na kapag dumadalaw sa set ng kanyang kaparehang aktres ang nobyo nito ay super sweet ang dalawa.

"May pagkakataong naghahalikan pa sila kahit may nakakakitang ibang tao. Dedma lang ang dalawa sa kanilang ginagawa," sey ng aktor.

Maraming ayaw maniwala na pinatulan ang actor-singer ng sikat na aktres dahil karamihan ng nobyo nito ay brusko ang dating.

Samantalang ang singer na ka-on ngayon nito ay pinagdududahan ang gender.