Dating sexy actress, dancer na lang sa club

Nakakapanghinayang ang dating sikat at magaling na sexy actress na ito dahil nagluka-lukahan sa pag-ibig. Naging matamlay ang kanyang career dahil sa pagbubuntis hanggang sa manganak kung saan idininay pa ng ama na kanyang boyfriend na siyang ama ng anak.

Ngayong matamlay ang lagay ng showbiz ay wala siyang proyekto kaya paano niya bubuhayin ang anak? Hindi naman nagsusustento ang tatay ng anak na isa ring aktor

Balita ngayong sumasayaw-sayaw na lang ito sa mumurahing beerhouse sa isang lungsod sa Maynila para naman may ipambili ng gatas ng anak.

May Mga Na-Link Sa Kanya

Mahirap itapon ang anim na taong relasyon at marahil nadarama pa rin ni Rufa Mae Quinto ang panghihinayang sa paghihiwalay nila ng ex-boyfriend na si Rudy Hatfield.

Ngayon sumuko na rin ang seksing aktres dahil balitang may ibang babae si Rudy sa Amerika.

Gaya ni Duncan Ramos ng South Border kung saan di rin nagtagal ang kanilang relasyon. May asawa (di kasal) at anak na ang magaling na bokalista. Sinundan ito ng balitang may namuong relasyon sa kanila ni Eric Santos kung saan maraming ayaw maniwala na mag-on na ang dalawa.

Gayunpaman, ke may relasyon o wala, saludo si Rufa Mae sa pagiging gentleman ng singer. Kaya ngayon, ang paboritong expression ng aktres ay "This is the Moment" na patungkol kay Eric.

Saludo Sa Kanyang Mga Artista

Maraming special effects ang White Lady at pwede itong ikumpara sa foreign film. Maganda ang pagkakagawa ng pelikula at maaasahan na talaga sa pagdederek si Jeff Tan na anak ng yumaong si Belle Tan ng Universal Records.

Saludo siya sa kanyang mga artista dahil cooperative ang mga ito at hindi nagrereklamo. Kahit paulit-ulit ang "take" ng kissing scene nina Pauleen Luna at JC de Vera ay di sila tumatanggi, mapaganda lang ang pelikula. Naka- take 10 ang dalawa sa kanilang halikan.

Ganito rin ang nangyari sa kissing scene nina JC at Angelica Panganiban pero sumunod sila kay Direk nang walang reklamo.

Katarina, Magpapa-Sexy Na?

Kasama rin si Katarina Perez sa pelikulang White Lady kung saan saludo rin sa kanyang acting si Direk Jeff.

Ang ganda at ang sexy ngayon ni Kata (palayaw sa aktres) kaya may kumukumbinse na mag-pose rin ng sexy pictorial para sa mens magazine gaya ng ginawa ni Angelica Panganiban. Kaso, nang makausap namin ito noon ay sinabi niyang hindi pa siya handang magpakita ng katawan.