Jason, swertihin na kaya kay Angelica?

Hindi naman ipinagkakaila ni Jayson Abalos na sabay sila ni Carlo Aquino na nanligaw kay Angelica Panganiban, sinamang-palad lamang siya. Si Carlo at di siya ang nagustuhan ng magandang aktres.

Sa kabila nito naging mabuting magkaibigan sina Jayson at Angelica. Maski na nung ginagawa nila ang White Lady para sa Regal Films na nasa direksyon ni Jeff Tan ay hindi sila ni saglit mang nagkaro’n ng pagkakailanga, smooth ang naging trabaho nila. "We’ve always been friends. Kung ano man ang namagitan sa amin, hindi man niya ako nagustuhan, okay lang, naintindihan ko siya kung di niya ako pinili. Ganun lang talaga ang buhay, may nananalo, may natatalo," amin ni Jayson.

At bagaman at inamin niya na gustung-gusto niyang balikan ito simula nang malaman niya na talagang wala na itong relasyon kay Carlo, hindi niya ginawa. "Kailangan niya ng sapat na panahon for her to heal emotionally. I will give this to her. Siguro pag dumating ang time na makita kong okay na siya, liligawan ko siyang muli," sabi ni Jason.

* * *

Palabas na ngayong gabi ang K Brosas Bar Girl sa Ratsky Morato. Tampok si K Brosas kasama sina Keanna Reeves, Kyla, The Boxers, Gerald Santos, Drags-On at si Regine Velasquez. Para sa tiket, tumawag sa Ratsky Morato 3739882/3739883 at Ratsky Malate 5238609/5238608 at Backroom 4351120.

* * *

May bagong ino-offer na service ang Ellen’s Aesthetic Center na nagdiriwang ng kanilang 27th anniversary. Ito ang Blu Treatment, isang no surgery, no injection, instant facelift at ang SPR Treatment, isang alternative para sa chemical peels. Try n’yo at maging isa sa mga satisfied customers ni Ellen Lising na may bagong produkto rin, ang Miracle Cream na nagpapaputi ng anumang dark spot sa balat in just 5 days. Interesado kayo? Tumawag sa 3746665/4133375.

* * *

E-mail: [email protected]