Ate Vi sa DVD ng ‘MMK’

Bilang pagdiriwang sa ika-15 anibersaryo ng Maalaala Mo Kaya ng ABS-CBN, ini-release ng Star Records Video sa DVD format ang tanging handog nito na pinangungunahan ng Star For All Seasons na si Ms. Vilma Santos. Pinamagatang Regalo, itinatampok dito ang premyadong aktres sa isang makabagbag-damdaming pagganap na nagpapatunay kung bakit ang show ang patuloy pang magiging longest-running drama anthology ng Pinas. Sa edisyon na ito, ang home viewers ay tiyak na iiyak!

Kasama si Ms. Charo Santos bilang host, ang Regalo sa MMK at mainspirasyong istorya ni Daisy Hernandez na nakaranas ng sari-saring hirap bilang maybahay, ina at tao. Halos hindi niya nakayanan ang pagbalanse sa pagitan ng trabaho at pamilya.

May cerebral palsy kasi ang kanyang panganay na si April at kailangan ang lahat ng alaga, pagmamahal at atensyon na isang ina lamang ang makakapagbigay. Ano ang pwedeng isakripisyo ni Daisy para mapalaki ang isang anak na tulad ni April? Hanggang saan ang kaya niyang gawin?

Idinirihe ni Olivia M. Lamasan, ang Regalo sa MMK at tinatampukan din nina Maja Salvador, Ricky Davao at Erich Gonzales.

Sa halagang P199, ang DVD at kinapapalooban din ng full trailer, interview at behind-the-scenes at English subtitles. Mabibili ang orihinal na kopya sa lahat ng video shops at record bars sa buong bansa. — Zar Baisas