Bumabagsak na ang ratings ng Daisy Siete!

Sayang at hindi napuno ang 200 seating capacity ng Teatrino Promenade Greenhills sa first night ng concert ni Nyoy Volante na may titulong Tipa… kasama ang masters of guitars na sina Pido, Paolo Santos, Gary Granada, Noel Cabangon, Maegan Aguilar minus RJ Jacinto na hindi nakarating for personal reason.

Nakakaloka pala ang show na ito ni Nyoy dahil ‘payabangan’ pala ang mga guest niya sa pag-tipa ng gitara as in nilalaro lang ang pagtugtog. Wala kang itulak-kabigin sa mga pangalang nabanggit na guests dahil may kanya-kanya silang highlights.

Nag-enjoy sa panonood si Stella Ruiz na isa ring mahusay tumugtog ng gitara at hinayang na hinayang siya at hindi siya isinama sa naturang show. Pero nangako naman ang producer ng Tipa.. na isasama si Stella sa campus tour at biro nga namin sa dating sexy star na rakista na ngayon ay "Mukhang ang panonoorin sa ‘yo kapag tumugtog ka ay ang gitara niyang mamahalin" at ang birong sagot ni Stella ay, "Ilalabas ko na lang cleavage ko para mapansin ako."

Anyway, mapapanood pa rin ang Nyoy ‘Tipa’ Volante concert ngayong gabi, Biyernes (May 12) at bukas ng gabi, Sabado (May 13) sa Teatrino Promenade Greenhills.

* * *

Nakatanggap kami ng wrong sent messages galing sa staff ng Daisy Siete na ipadadala yata sa producer ng show na si Joy Cancio.

Ayon sa mensaheng natanggap namin ay pinapa-revise ang script ng 11th season ng Daisy Siete na gagawing napilitan na raw magtanan sina Rochelle at Nathan dahil sa maltreatment sa kanya nina Aifa at Nenita.

Dagdag pa na kaya pina-revise ay dahil bumagsak sa 17.8% ang ratings na nakukuha ng 11th season ng DS na never pa raw nangyari simula season 1 hanggang season 10.

Katwiran naman daw ng taga-GMA 7 ay ang DS pa rin ang may pinakamataas na ratings sa dramarama sa hapon, pero hindi ito matanggap yata ni Joy dahil bumaba nga ang ratings ng DS at nagwo-worry siya rito.

Ang alam namin ay hindi na si Suzette Doctolero ang headwriter ng DS kundi si Gina Tagasa-Gil na at hindi naman siya ngarag dahil ito lang naman yata ang show na hawak niya sa ngayon. — Reggee Bonoan