Manager na ayaw tumanggap ng TF

How time flies talaga. Imagine, nakaka-isang taon na pala ang programa ni Mr. Ricky Lo sa GMA 7. Samantalang kung tutuusin, parang napapanood lang natin no’n si Tito Ricky sa The Buzz with Boy Abunda, Kris Aquino and Tita Cristy Fermin. Pero nag-decide siya no’ng mag-quit na sa tv hosting at mag-concentrate na lang sa pagiging entertainment editor ng Philippine Star. Pero nag-iba ang kanyang kapalaran nang mag-offer ang GMA 7, represented by Ms. Wilma Galvante, ng concept ng Showbiz Stripped. "Maganda ang concept at kakaiba sa mga existing talk shows," Ricky said sa tsikahan para sa anniversary ng programa niya sa GMA last Thursday night.

Dahil impressed siya sa concept ng show, madali siyang na-convince ni Ms. Wilma.

Si Tito Douglas Quijano ang nakipag-negotiate sa GMA in behalf of Tito Ricky. "Si Douglas lahat-lahat ang nakipag-usap sa GMA. Pero ayaw naman niyang tumanggap ng commission," kwento niya habang tatawa-tawa.

Ang magandang nangyari lang sa show, in a way nawala ang network war. Ang mga dating artista ng ABS-CBN ay nagawa nilang i-guess sa Showbiz Stripped like Kris Aquino, Piolo Pascual, among others.

Isa pang maganda sa programa, more on positive side ng kwento ng mga intriga. Hindi purely kalkalan ng mga kung anu-anong kwento ng mga intriga na wala namang relevance.

Anyway, congratulations Tito Ricky. Kakatapos lang niyang mag-renew ng contract sa GMA.

* * *

Tuloy na tuloy na pala ang Philippine Idol, ang local edition ng sikat na singing search sa Amerika, American Idol.

Inumpisahan na ng ABC 5, licensee ng American Idol format ang audition sa pamamagitan ng series of Fast Tracks para sa prospective contestants na gaganapin sa 28 cities nationwide. Para sa mga lucky ones, ang Fast Tracks ay magiging daan sa malaking auditions na naka-schedule sa key cities ng Manila (for Metro Manila, North and South Luzon), Davao (for Mindanao) at Cebu (for Visayas) para mas accessible, mas mabilis at mas madali.

Ang Fast Tracks schedule sa May: May 12 – SM Fairview (Quezon City), SM Lucena (Lucena City) and Pacific Mall (Laoag, Ilocos Norte); May 14 – CSI Mall (San Fernando, La Union), Mart One (Cagayan), CSI Mall (Dagupan, Pangasinan) and Pacific Mall (Legazpi, Albay; May 15 – SM Megamall and SM Pampanga (San Fernando); May 17 – SM Bacoor (Cavite); May 18 – SM Dasmariñas (Cavite); May 19 – SM Bicutan (Parañaque); May 26 – SM Baguio; May 27 – SM South Mall (Las Piñas) and SM Sta. Mesa; May 30 – SM Valenzuela. (The venues and dates for the June Fast Tracks will be announced later. Keep tuned also to RMN and MBC radio stations.)

* * *

Ininagurate kamakailan ni Manila Mayor Lito Atienza ang Manila Dance and Cultural Arts Center sa may Roxas Boulevard beside the US Embassy kung saan nagkaroon ng special cultural presentation entitled Hiyas featuring traditional Filipino dances ng Manila Dance Scholars.

Ang nasabing facility ay may two dance studios, dalawang music rooms and a big outdoor stage para sa cultural presentations.

Year 2000 pa na-create ang nasabing dance and cultural arts center and was originally named Manila Dance Center. Special project ito ni Mayor Atienza para sa mga gifted under-privileged children para sa mga taga-lungsod ng Maynila.

Ang nasabing center ay venue para sa batang 7 to 14 years old na ma-develop ang kanilang in born talents, express their artistic merits etc., pero walang enough na pera para gawin lahat ‘yun.

Dating nasa Aurora Quezon Elementary School sa San Andres, Manila ang nasabing dance studio.

Sa kasalukuyan, mayroong more than 200 scholars sila.

Anyway, every Friday pwede n’yong panoorin ang mga scholars sa kanilang Hiyas show at the center’s outdoor stage — P300 lang ang entrance fee, may libreng merienda a show.

For inquiries, please call Museo ng Maynila at 4050135 or 52491.

* * *

Nag-watch ako ng PBB Teen Edition Eviction Night last Saturday night. Kaya lang as usual, kinabahan na naman si Mariel Rodriguez. Actually, very seldom lang akong manood ng PBB since mag-host si Mariel pero everytime na manonood ako, aba parating kinakabahan si Mariel.

The last time I saw her sa PBB, panay ang I’m sorry niya at admitted siya na kinakabahan siya. Last Saturday night, ganun na naman.

By the way, bakit nga pala nawala si Luis Manzano sa Eviction Night ng PBB? Para tuloy hindi nila kayang i-handle , kahit dalawa na sila nina Bianca Gonzales at Mariel. And by the way, bakit nga pala ganun ang damit ni Bianca last Saturday?

* * *

Salve V. Asis’ e-mail - [email protected]