Nakakwentuhan namin si
Sunshine Cruz sa premiere night ng
Mission Impossible 3 ni
Tom Cruise. Ayon dito excited na siyang magsimula kasama si
Maricel Soriano ng
Inang Yaya under
UNITEL Films.
"Kailangang galingan ko ang pag-arte para hindi ako lamunin sa mga eksena ni Maria. Ang galing-galing kasi niya! Comeback movie ko pa naman ito," ani Sunshine.
| Bianca, Naintrigang May Sex Video |
Inamin ni
Bianca Gonzalez na isa sa host ng
Close Up To Fame 2 na nakatanggap siya ng e-mail tungkol sa intrigang mayroon siyang sex video.
"At first na-hurt ako sa intriga pero later nawala na rin ang hinanakit ko dahil hindi naman totoo. Kahawig ko kasi ang babaeng nasa video pero mas maliit ang binti ko kaysa sa kanya," anang TV host.
Ano naman ang naging reaksyon ng kanyang nobyong director tungkol sa sex video?
"Natawa lang siya dahil hindi naman totoo," dagdag pa nito.
Tapos ng Communication Arts sa Ateneo si Bianca. Noong nasa college pa ito ay nagmo-model din siya.
| Starstruck 3 Avenger, Gumagawa Ng Pangalan |
Sixteen years old lang ang magandang dalagita na si
Rea Nakpil na isang
StarStruck Avenger at nagsimula bilang image model ni
Rusty Lopez. Pwede itong sumali sa
Bb. Pilipinas dahil bukod sa morenang kagandahan ay matangkad din ito (5’6") at sexy pa.
Naging kasapi rin ito ng
Teatro Akda Entablado. Paborito niya si
Angel Locsin.
| Hoy! Hoy! Boy! Binata Na Si Totoy! |
Pakinggan ang sari-saring kwento’t karanasan ng mga bagitong celebrities habang pinagdadaanan ang kakaibang yugto ng kanilang paglaki sa programang
Sis.
Malalaman sa mga guest celebrities na sina
Goyong,
Felix Roco,
Dominic Roco,
CJ Ramos,
Bugz Daygo at
Chuck Allie ang pagbabagong pisikal at emosyonal na kanilang nararanasan, ang kanilang mga crushes, ang mga style sa panliligaw at maging ang kanilang kwento’t karanasan sa pagpapatuli.
| BLIND ITEM: Sikat Na Sexy Actress, Ban Sa Isang Hotel |
Kwento ng kaibigang may-ari ng isang pamosong hotel sa Boracay na hindi naging maganda ang karanasan nila sa isang seksing aktres nang minsang mag-check-in ito sa kanilang hotel. Ang reservation nito ay para sa apat na tao lang pero dumagsa dun ang mga 15 katao, kung saan at kung anu-ano pa ang inireklamo na kesyo nawalan ng pera ang isa sa kanila. Nakakabulahaw din sila sa sobrang pag-iingay.
Kaya ngayon kapag balak mag-check-in sa kanila ang sexy star ay tinatanggihan nila.