Miriam Quiambao, balik-TV!

Marami ang nagulat nang makitang mag-guest si Miriam Quiambao sa 3rd anniversary ng Nuts Entertainment na ginanap sa Zirkoh Greenhills.

Ang episode na kinunan na mapapanood sa Miyerkules ng gabi ay nagtatampok sa Miss U runner-up sa isang parang no-holds barred encounter with the Balakubak team of Joey, Anjo, Janno, John Feir at Mike Pekto Nakua. Magugulat kayo sa mga revelations dito ni Miriam na pansamantalang magbabakasyon sa pagiging asawa ng isang Italyano para balikan ang trabaho niya bago siya nag-asawa.

Marami pang exciting episodes ang Nuts Entertainment tulad nitong taped as live presentation sa Greenhills. Makikigulo at makikipagkulitan din si Sunshine Cruz sa grupo ng Balakubak. Maraming malalaman ang manonood tungkol sa buhay may-asawa nila ni Cesar Montano.

Kasama pa rin sa Nuts sina Gelli de Belen, Carmina Villaroel, Richard Gutierrez, Brad Turvey, Sherwin Ordoñez at Iwa Moto.

* * *

Samantala, nailagak na rin sa kanyang huling hantungan si Chat Silayan. Hinahangad ko na lamang ang matahimik niyang paglalakbay patungo sa Panginoon. Sigurado ako na masaya siya sa kanyang kinaroroonan sapagkat nakita niya kung gaano karaming kaibigan meron siya. Nakasisiya ring makita na sama-sama ang kanyang ina at mga kapatid sa pagtulong sa asawa ni Chat na si Mike Bailon at mga anak na sina Victor, Timothy at Micaela sa pag-aasikaso sa maraming kaibigan at kamag-anak na dumalo sa burol ni Chat. Ako, na di pumupunta ng burol ay di pinayagan ng kanyang ina (Mommy Nita) at mga kapatid (Lito, Edgar, Tito, Relly, Manolo, Renjo at Romy na di kami magkita-kita kahit man lamang sa ganun kalungkot na okasyon.

Sa kanyang kamatayan, maganda pa rin si Tita Chat. Nakasara man ang kanyang kabaong, may kuha ang kapatid niyang si Relly sa ospital matapos siyang mamatay at maging nung bago isara ang kanyang kabaong.

At age 11, napaka-ganda na at napaka-tangkad ng anak na babae ni Tita Chat na si Micaela. Alam na alam mo na agad na kung papayagan ito ng kanyang ama ay madali itong makasunod sa yapak ng kanyang ina sa pagiging isang beauty queen.

* * *

Hindi pa rin naman titigil ng paggawa ng movies si Rep. Mikey Arroyo na nagdiwang ng kanyang ika-37th birthday sa pamamagitan ng patuloy na pagbibigay ng serbisyo sa kanyang bayan sa Pampanga.

Nagkaro’n ng supplemental feeding, distribution of peace and order kits, motor bancas, medicines, informations kits, vegetable seeds, planting materials at agri-medicines, 22 computers nung birthday niya sa Lubao, Pampanga. Nagkaro’n din ng one stop shop job fair at operation bukol.

Pagtulong naman sa kanyang mga maliliit na kasamahan sa pelikula ang nagbunsod kay Cong. Årroyo para gawin na ang pelikulang Halik sa Lupa kasama sina Nancy Castiglione, Bianca King, at Cherry Lou. "Hindi lang ako ang nabigyan ng down payment, pati rin sila," sabi ng may birthday.