Sitti, fast rising singer

Sa isang soap opera ay hindi nawawalan ng pagmamalupit hindi lamang between adults kundi maging sa kabataan. Tulad ng ilang eksena sa Duyan na kung saan minamaltrato ni Glydel Mercado si Ella Guevara. Hindi bale sana kung pinandidilatan lang o sinisigawan pero ang tingin namin ay parang child abuse na ang ginagawa sa bata. Hindi ba pwedeng dayain ang ganitong violent na eksena? Hindi ba ito nagkakaroon ng negatibong epekto sa mga child stars although ipinapaliwanag na ito ay kunwari-kunwarian lamang at sangkaterbang "I am sorry" sakaling nasampal sila ng todo?

Ang wika ni Glydel ay ganito: "Nakakabigat nga ng dibdib pero kailangang gawin para maging makatotohanan ang lahat. We rehearse it para one take lang itong kukunan."

Ang Duyan ay Mothers Day offering sa bagong season ng Now and Forever. Ang istorya ay tungkol sa dalawang batang mag-bestfriend na sina Cindy (Ella Guevara) at Ella Cruz na parang kapatid ang turingan sa isa’t isa kahit malaki ang agwat ng kanilang pamumuhay.

Ayon kay Direk Mac Alejandre, very effective sa televiewers ang mga eksenang inaapi ang mga bata. "Kapag mahusay ang pagsasalarawan ay asahan mong ang simpatiya nila ay pupunta sa bata. Kaya ang gusto ko ay totohanan at hindi fake ang pananakit."

Tampok din sa Duyan sina Ariel Rivera, Emilio Garcia, Alicia Alonzo, Gabby Eigenmann at Jana Roxas at Chuck Allie, batch 3 ng StarStruck.

* * *

Maganda ang packaging na ginawa ni Ricky Ilacad, managing director ng Warner Music Phils., para kay Sitti na palagiang umaawit sa Piano Bar ng Stonehouse. Sa pamamagitan ni Sitti ay muling binuhay ang tunog Bossa Nova sa kanyang debut album entitled "Café Bossa". Binigyan ng modern arrangements ang all-time favorites tulad ng "Fly Me To The Moon", "Close To You", "Bridges" at marami pang iba. Syempre, kasama rin ang "Girl From Ipanema", "At 17" at "Samba Song".

Almost three decades ago nang sumikat ang Bossa Nova thanks to Bong Penera and his Baracuda. Sa tagumpay ng Café Bossa album ay nagkaroon na rin ng pangalan si Sitti na ang kahulugan ay princess sa Muslim.

Si Sitti ang siyang one of the 7 winner sa Supahstar MTV sa Diva category. Naging host din siya ng Travel Show. Muntik na isinali si Sitti sa mga beauty pageants. – REMY UMEREZ