Nagpapasalamat kami sa Diyos sa natanggap naming balita na ngayong araw na lalabas ang kumpare naming si Rudy Fernandez, pagkatapos ng isang buwan na na-confine siya sa Cardinal Santos Medical Center. Malakas na raw si Pareng Rudy at naggi-gain na siya ng weight, nakakakain na rin siya ng soft food. Sa bahay na raw lamang magpapalakas si Pareng Rudy sang-ayon kay Mareng Lorna. Patuloy pa ring humihiling si Mareng Lorna ng dasal para sa patuloy na recovery ni Pareng Rudy.
Umalis pala papuntang States si Rustom Padilla, kasama ang kapatid niyang si Atty. Robert Padilla noong April 12 at sang-ayon sa aming source, aasikasuhin na raw ni Rustom kung ano man ang problemang naiwanan niya roon bago siya bumalik ng Pilipinas.
Natawa lamang kami sa kuwento ng aming source na sabi raw ni Rustom, kaya siya kusang lumabas sa Bahay ni Kuya sa Pinoy Big Brother Celebrity Edition, dahil nalaman niyang may competition pala sila sa isa’t isa at kailangang may manalo. Hindi naman siguro nagkaila si Kuya sa mga housemates kung ano ang pwedeng mangyari sa bawat isa sa kanila roon.
Anyway, kahit ano pang sabihin ni Rustom, sa mga nasulat pagkatapos niyang lumabas sa Bahay ni Kuya, tiyak na iyon talaga ang dahilan ng kanyang kusang paglabas. Babalik raw sa bansa si Rustom sa May 10.
Sa Boracay na pala nag-celebrate ng kanyang birthday si Lani Mercado noong April 13. Wala raw namang sorpresa na sa kanya si Sen. Bong Revilla dahil sama-sama nga silang lahat doon. Nagkaroon daw lamang sila ng simpleng dinner noong gabi ng birthday dahil Holy Thursday na iyon.
So far, wala pa rin silang nakukuhang kapalit ni Gretchen Barretto para gumanap na asawa ni Bong sa movie. Dalawa raw ang pwede nilang kausapin to play the role, sina Cindy Kurleto at Ms. International Precious Lara Quigaman.
After 10 years naman pala muling gagawa ng movie si Inah Revilla. Six years old lamang siya nang unang gumawa ng movie na kasama sina Bong at Lani at Rosanna Roces.
Pansamantalang nahinto muna ang shooting ng Pacquiao dahil nag-Holy Week pero ngayon, magri-resume na sila ng shooting sa Tarlac. Hindi naman pala pinalitan ni Tirso Cruz III si Rudy Fernandez sa role sanang gagampanan nito. Si Pip daw ang gaganap na tatay ni Jericho Rosales as Pacquiao, sa movie. Ang bale pumalit kay Rudy ay si Jay Manalo.
Tatapusin daw muna ni Direk Joel Lamangan ang shooting dito ng movie bago sila pumunta sa Las Vegas, since naroon si Manny na nagti-training para sa susunod nitong laban. Hopefully, matapos ang shooting ng movie on time at maipalabas ito sabay ng laban ni Manny sa July, 2006.
Mamayang hapon na ang pilot telecast ng Duyan, ang 5th season ng Now and Forever na nagtatampok kina Dawn Zulueta, Ariel Rivera, Glydel Mercado, Emilio Garcia, Alicia Alonzo, Jana Roxas and Chuck Allie of StarStruck 3 at ang mga batang sina Ella Guevara at Ella Cruz, sa direksyon ni Mac Alejandre. Mapapanood ito pagkatapos ng Agawin Mo Man Ang Lahat sa GMA-7.