Starlet, preggy na naman!

Preggy na naman pala ang starlet na si Katherine Luna. You read it right folks. Hindi pa natatagalan nang pag-debatehan sa TV kung sino ang ama ng dinadala niya. Nadawit pa ang pangalan noon nina Paolo Bediones at kung sinu-sino na pagkalaunan din naman ay sinasabing si Coco Simon ang ama ng bata.

Matagal-tagal ding naging issue kung sino talaga ang ama ng anak ni Katherine. Dumating pa nga sa point na halos lahat ng talk show ay nandoon siya.

Pero ngayon kayang buntis na naman siya, sino naman kaya ang mga ‘candidates’ para maging tatay ng anak ng starlet na nakilala dahil sa pelikulang Babae sa Breakwater na hindi na uli nasundan except sa pelikulang extra lang siya, Nasaan Ka Man na movie nina Claudine Barretto, Diether Ocampo and Jericho Rosales.

But anyway, ayon sa source na nakakita, may kasama namang guy si Katherine nang makita niya sa isang supermarket sa Cavite, pero hindi naman daw mukhang papa material ang men. "Pero nakakapit sa kanya si Katherine kasi malaki na talaga ang tiyan," say ng source.

* * *

Wala sa bansa ngayong Holy Week ang grupo ng The Champions na sina Sarah Geronimo, Mark Bautista, Rachelle Ann Go and Raymond Manalo.

Last Tuesday afternoon ay lumipad ang grupo nila papuntang Canada. Tomorrow, Holy Friday, sa Vancouver (The Centre in Vancouver for Performing Arts) sila. Sa April 15, nasa Edmonton (Wenspear Center for Music), April 21 sa Winnipeg in Burton Cummings Community Center and April 23 sa Toronto (Grand Baccus Banquet Hall).

Producer sa Vancouver, Edmonton and Winnipeg ang Adanac Phil and Nellie Vandt. Samantalang si Patrick Guzman naman and Backstage Production ang producer sa Toronto.

At hindi lang ‘yan, pupunta rin ang grupo sa Alaska para sa isang live concert sa Alaska Center for the Performing Arts. Inc.

Grabe sobra silang in demand sa abroad.....

* * *

In fairness, marami palang naaaliw sa album ng grupo ni Budoy, ang Junior Kilat, na "Buwad Suka Sili." Kahit daw hindi naiintindihan ng marami, enjoy naman daw silang pinakikinggan ito. Kung sabagay, nakakatuwa ang kanta nila. ‘Yun nga lang, totoong hindi ka maka-relate sa mga wordings ng songs nila dahil Visaya.

Kasama sa album ang "K-Fyne" (music video), "The Making of Ako Si M-16," "Ako Si M-16" (music video), "Buwad Suka Sili," "Lubot Sa Yawa," and "Budoy Ako".

Anyway, wala namang regret si Budoy na si Keanna Reeves ang nanalo sa Pinoy Big Brother. Natuwa nga raw siya at nire-represent nito ang kababaihan.

At any rate, available na ang "Buwad Suka Sili" under Galaxy Records.

* * *

Ayaw munang sundan nila Glydel Mercado at Tonton Gutierrez ang kanilang unica hija na si Aneeza. Nahirapan daw siyang magpapayat after she gave birth sa kanilang panganay. Saka gusto raw muna nilang i-enjoy si Aneeza lalo na nga lately ay pareho silang maraming trabaho ni Tonton.

Abala siya sa bagong season ng Now and Forever (Duyan) na magsisimulang mapanood after Holy Week.

Kontrabida na naman ang role niya rito. Nauna siyang nag-portray na kontrabida sa Daisy Siete at hindi naman siya natatakot na ma-typecast sa kontrabida role.

Feeling niya lang, mas madaling magkontrabida kesa masyadong drama.

Siya ang magpapahirap dito kay Dawn na first time niyang nakasama. Akala nga raw niya no’ng una, suplada ito although may assurance naman from Tonton na mabait ang actress. Kaya naman wala daw silang naging problema dahil sobrang bait pala nito.

* * *

From My In Box

Natatawa ako pag may nababasa akong press release na kesyo no.1 sa mga radio (FM) stations ang single ng isang singer, lalo na yung mga new recording artist. Kesyo it’s topping the hit charts, most requested song daw. Ngek... eh may scam na rin sa mga ganyan, lalo na sa mga text votes at tawag sa phone. Uso na ngayon ang text and phone brigade no. Yung mga kamag-anak, kaibigan at mismong yung artist ang nagre-request ng song niya para kuno-kunong most requested at hit sa tao. Ganyan na ang gimik ngayon. Di na ako nagpapaniwala sa mga no.1 daw sa mga radio stations. Meron ngang isang artist dyan, siya ang bumili ng lahat ng cd’s niya para maging gold lang. Nicole Marie Pineda.