Semplang si Dennis sa gustong girl!

Pagkakataon na sana ni Dennis Trillo na magkaroon ng girlfriend, kaso, nag-backout siya nang malamang rich ang nasabing girl, ito yung partner niya sa isang sanitary napkin commercial. Ayaw pala ni Dennis ng rich, kaya sa S-Files sa GMA 7, guest siya at sasabihin ng aktor kung ano ang hanap niyang babae. Sasabihin din niya yung balitang kumalat na umano ay isa siyang binatang ama.

Samantala, lumabas na sa kanyang lungga ang dating member ng That’s Entertainment na si Raffy Romillo na balitang may grabeng sakit kaya nagtago. Si Raffy ay isa sa handsome guys ng dating programa ni Kuya Germs at ngayon ay isang aktibong alagad ng Diyos, sa Oasis of Love.

Magdaraos ng kanyang b-day si Richard Gomez sa show katuwang sina Pia, Paolo and Joey.

Watak-watak na nga ba ang Sex Bomb? Malalaman, dahil sina Rochelle Pangilinan at Jopay Paguia ay nakapokus na ngayon sa acting habang ang iba naman ay nasa iba’t ibang club nagpi-perform.

Nagwala pala yung isang actress-tv host at nakunan ng S-Files dahil sa sobrang kalasingan na mapapanood ngayong hapon. – LGC