"Di na bale kung girlfriend siya ni Joross, crush ko pa lang naman siya. Di pa naman ako pwedeng manligaw pa ngayon dahil bukod sa bata pa ako ay nag-aaral pa ako. Baka kapag nag-girlfriend ako ay di na ako makapag-concentrate sa studies ko. As it is, umaagaw na ng malaking panahon ng pag-aaral ko ang pag-aartista ko kaya di ko na dadagdagan pa," ani Raphael during his recent birthday celebration na kung saan ay inamin niya na napakasaya niya dahil dumalo si Roxanne, at ang iba pa niyang mga kaibigan sa showbiz, tulad nina Joseph Bitangcol, Jayson Abalos, Carlos Magdangal, Sandara Park, Melissa Ricks, Aiza Marquez at marami pang iba.
Sa kabila ng kanyang studies sa Distance Learning Center ng ABS CBN ay mataas ang marka ni Raphael sa iskwela.
May bagong show si Raphael sa ABS CBN, ang Sa Piling Mo na pinagtatambalan nina Judy Ann Santos at Piolo Pascual. – By VIRGIE BALATICO