Sa Vegas ang b-day ni Karylle?

Nasa ABS-CBN compound kami nang malamang legal nang makakapagtrabaho sa GMA-7 si Marvin Agustin. Binigyan na siya ng release paper ng Star Magic noong Thursday, kaya, wala nang makakapigil sa paglipat niya sa Ch. 7.

Ang release papers lang ang hinihintay at isa sa mga araw na ito’y baka pumirma na siya ng kontrata sa Siete. Hindi lang kami sure kung exclusive contract sa network o per project ang kanyang pipirmahan basta ang tiyak, ang first project niya’y ang I Love New York kasama sina Jennylyn Mercado, Mark Herras at Jolina Magdangal.

Sa New York din kukunan ang mga eksena nina Marvin at Jolina pero, hindi sila sabay-sabay na aalis sa first week ng April. Mauuna sina Jennylyn at Mark, next si Jolina na may panggagalingang show at saka susunod si Marvin. Tatapusin muna nito ang digital film nila ni Rufa Mae Quinto sa Canary Films sa direksyon ni Tony Y. Reyes bago siya umalis para walang mabibiting trabaho.

* * *

Bagong bunot ng wisdom tooth si Karylle sa big presscon ng Moments of Love kaya, ‘di namin masyadong tsinika. May bulak pa nga ang pinagbunutan at inaalis lang nito nang sunud-sunod siyang kausapin ng press. Kailangang malinaw ang pagpo-promote niya ng movie na showing na sa March 29.

Sa fans nina Karylle at Dingdong Dantes na nagtatanong kung ang dalawa ang magkaka-tuluyan sa movie, manood na lang kayo. Ang tiyak, magugustuhan ninyo ang kakaibang twist at ending nito.

Birthday bukas ng dalaga at birthday wish nito’y makapag-bakasyon. Sa Las Vegas gusto nitong pumunta at kung totoo ang sinabi ni Dingdong na ‘Wish granted,’ baka nga sa Las Vegas sila pumunta para dalawin ang grandparents ng dalaga.

* * *

Nakita namin si Chuck Allie sa GMA studio na bumubuntut-buntot kay Megan Young. Bago pa kami mag-isip ng iba, lumapit ito at ibinalitang kasama na siya sa Fans Kita at nag-i-interview sila ni Megan ng mga artista.

Umoo si Chuck sa tanong namin kung nasa Young at Heart episode sila ni Jana Roxas. Pero, wala sila sa presscon kaya, may doubt kami o baka, hindi lang sila pina-attend dahil supporting lang sila ng Final 4. Wish ng binatang mapasama sa primetime show ng GMA-7 at siguro naman, bibigyan siya ng chance ng network.

* * *

Maraming revelation ang mapapanood sa episode ng Moms ngayon na Ugly Duckling. Ikukwento nina Lyn Ching, Cookie Chua, Jill Villanueva at Ryllah Berico ang experiences noong time na feeling chaka pa sila. Malalaman din kung ano ang nagbigay ng lakas ng loob sa kanila para maalis ang inferiority complex at mag-excel in their chosen fields.

Bukas, sa Yaya Sisterhood episode, isi-share nina Lovely Rivero, Anne Villegas, Encar Benedicto at Flora Gasser ang experiences nila sa yaya ng kanilang mga anak. Ipi-present din ang horror stories na naririnig natin sa mga yaya.