Robin Padilla, nakahinga na rin ng maluwag

Maraming salamat kay Mr. Manny Pacquiao, ang champion ng buong bayan dahil malimit n’yo na siyang makitang ‘nagbabasa’ ng Pilipino Star Ngayon. Yes folks, naging napakabuti at accommodating ni Pacman at ng kanyang agent na si Mr. Jake Joson sa PSN. Salamat din sa isang taong malapit sa dalawa na nag-arrange para maging possible ang lahat para sa PSN.

Kasabay ng celebration ng 20th anniversary ng PSN na gaganapin sa Westin Philippine Plaza - isang malaking celebration ang paglabas ni Pacman sa PSN.

Again, maraming salamat sa nag-iisang champion ng bayan, kay Mr. Jake Joson at sa taong malapit sa kanila.

* * *

Literal na nagkalat ang mga Pinoy performers sa Hong Kong Disneyland. Go kami do’n last week at nakita naming nag-perform sina Ralion Alonzo and Jinky Llamanzares sa Golden Mickeys show. Maraming role si Ralion at nagawa niyang lapitan ang mga kaibigan naming nasa front row ng theater - sina Tito Mario Bautista, Jojo Gabinete and Dondon Sermino. Hindi naman namin nakita si Ana Fegi sa Festival of Lion Kings.

Sayang lang at bawal ang flash ng camera kaya hindi namin siya nakunan ng photo.

Ang dami ring Pinoy talents sa Disney on Parade. Mga dancers at maging do’n sa mga Disney characters. Ang lamig lang nang magpunta kami sa Disney HK, buti na lang at hindi umulan.

Anyway, enjoy naman although mas maliit ang Disyneyland sa Ocean Park sa Hong Kong.

Anyway, sa four days na stay namin ng Hong Kong, nakita namin na malakas ang PSN doon. May mga newsstand na PSN lang ang Tagalog paper na ibinebenta. Salamat sa lahat ng mga Pinoy na nagbabasa ng PSN diyan sa HK.

Sa HK pini-print ang PSN kaya hindi mahirap ang distribution doon.

Kahit si Lorna na nagwo-work sa isang money exchange sa HK ay regular reader ng PSN. Kaya nga up dated sila sa mga nangyayari dito sa atin.

* * *

Simula’t simula pa lang pala, alam na raw ni Robin Padilla ang pagka-bading ni Rustom. In fact, ito pa raw ang nagtatanggol noon kay Rustom. Kaya nga raw nang umamin si Rustom sa PBBCE, hindi na na-shock ang action star. Natuwa pa nga raw ito nang umamin ang kapatid sa PBBCE na bading siya.

Oh well, kung nakakahinga na ng maluwag si Rustom malamang na ganu’n din ang nararamdaman ni Robin ngayon.

* * *

Salve V. Asis’ e-mail - salve@philstar.net.ph