Magbabalik ang Encantadia!

Simula sa Lunes, Peb. 20, sasabak muli ang apat na mga Sang-gre sa mas maraming pakikipagsapalaran sa mundo ng Encantadia.

Sa pilot episode, magbubukas ang mundo ng Encantadia sa kasalukuyan sa isang pagdiriwang ng kapanganakan ng anak nina Ybrahim (Dingdong Dantes) at Alena (Karylle), ang hari at reyna ng Sapiro. Hawak ng apat na Sangre ang mga brilyante, ang apoy kay Pirena (Sunshine Dizon), hangin kay Amihan (Iza Calzado), tubig kay Alena at lupa kay Danaya (Diana Zubiri). Sa gitna ng kasayahan, dumating si Mine-A (Dawn Zulueta).

May mga bagong tauhan na makikilala ang mga manonod, ang mga Punjabwe, isang tribu ng masasamang loob, ang mga Picarro, grupo ng mga maliliit na engkanto, ang higanteng si Kahel, ang puppet na si Aldor ang matabang si Dilawan.

Kasama sa bagong serye sina JayR at J-Boom Twins.

* * *

Ang mga maswerteng nanalo sa Close-Up To Film promo ay kasama sa pelikula ng Close-Up at Star Cinema na nagtatampok kina John Lloyd Cruz, Bea Alonzo at Sam Milby, ang Close To You.

Sila sina Faith Aleris Echano, 20, Marikina na inengganyo lamang ng mga kaibigan na sumali. Di na ito tumigil ng pagngiti ever since.

Si Gian Calo Chua ng Ateneo de Davao ay excited na makasama ang mga paborito niyang teen stars.

Si Liza Caballero ng Cebu City ay nagsabing ang shooting ay isang di niya malilimutang bahagi ng kanyang buhay.

Ang Close To You ay palabas sa mahigit sa 100 na sinehan.

* * *

Sina Aiai delas Alas, Allan K at Orange & Lemons ang mga mapapanood sa 2nd anniversary ng Zirkoh ngayong gabi. For sure, pansamantalang makakalimutan n’yo ang mga personal n’yong problema at problema ng bansa. Ang palabas na pinamagatang Mango, Tomato, Orange & Lemons ayon kay Peter Ledesma ay napaka-mabenta ng tiket kaya magpa-book na agad. Tawag na sa 3748270/3748202.

* * *

Mapapanood muli si Mark Herras sa promo ng kanyang "Mark Herras Dance Hits" mula sa Universal Records ngayong 5NH sa Starmall, Mandaluyong City. May autograph signing pagkatapos ng show.

* * *

Mapapanood din si Jolina Magdangal ngayong 5NH sa SM Bicutan para naman sa promo ng kanyang "Tuloy Pa Rin Ang Awit" album mula naman sa GMA Records.

* * *

E-mail: veronica@philstar.net.ph