Sino ang mas may body, si Polo o si Jomari?

Isa na rin si Polo Ravales sa endorser ng Bench Underwear at magkakaroon din daw siya ng billboard sa kahabaan ng Edsa.

Ito ang nabanggit ni Ara Mina sa amin dahil ang alam daw niya ay nag-pictorial na para sa nabanggit na apparel ang close friend niya at kung siya ang masusunod ay gusto niyang magtabi rin sila ng billboard ni Polo sa Guadalupe along Edsa, Makati City kung saan nakalagay din ang kanyang billboard courtesy of Belo Medical Group para sa Smart Lipo.

Tiyak na magkakaroon ng kumpetisyon between Polo at Jomari Yllana, kung sino sa kanilang hunk ang mas maganda ang katawan kapag underwear lang ang suot, pero nung tanungin si Ara ay napangiti ito at sinabing "abangan" na lang ninyo.

In fairness to Jomari ay pinagkaguluhan din ang billboards niya nung sikat pa siya at sa katunayan ay isa siya (next to Richard Gomez) sa highlight sa mga fashion show ng Bench na ginawa sa Araneta Coliseum ilang taon na ang nakakaraan.

May nagmalditong staff ng Dos kung saan daw ilalagay ang billboard ni Jomari ngayong nariyan na si Polo "Wala nang billboard si Jom, pareho sila ni Pops (Fernandez) tsinugi na kasi pareho nang has been."

* * *

Banned sa bansang China ang pelikulang Memoirs of a Geisha dahil hindi sila pabor sa istorya kung saan ipinakitang ang mga  ‘geisha’ ay naging prostitute nung panahon ng giyera dahil kapit sa patalim na sila.

Napaka-ironic dahil ang gumanap bilang Geisha ay isang Chinese na si Zhang Ziyi at sinamahan pa ni Michelle Yeoh na siyang nagturo kay Zhang bilang geisha.

Malalaman sa exclusive interview ni Ricky Lo sa buong cast ng Memoirs of Geisha sa Showbiz Stripped bukas ng gabi, February 18 kung anu-anong hirap ang dinanas nila para mabuo ang pelikula at kung ano ang say na hindi ito maipalalabas sa sariling bansa nina Zhang at Michelle.

Ka-join din ang mga single moms at ikukuwento nila sa Showbiz Stripped kung paano nila nilalabanan ang kalungkutan kapag hindi nila kapiling ang kanilang mga anak at paano nila palakihin ito ng nag-iisa at guests sina Sheila Ysrael, Snooky Serna, Jaclyn Jose sa episode na Inay Ko Po. — Reggee Bonoan