Willie, Bayani, bati na!

May naibunga rin palang maganda ang trahedyang nangyari sa Ultra dahil nagkabati na sina Willie Revillame at Bayani Agbayani.  Nagkita umano sina Willie at Bayani sa isang misa na isinagawa ng ABS-CBN at si Bayani na mismo ang unang lumapit at yumakap kay Willie.  Natuwa umano ang mga nakasaksi dahil may ilang taon na rin umanong may gap ang dawalang komedyante.

Samantala, wala pa ring katiyakan kung ipagpapatuloy pa rin sa ere ang programa ni Willie Revillame, ang Wowowee.

* * *

Ang buong akala namin ay bukas na ang ABS-CBN sa pagpapahiram ng kanilang mga talents sa karibal nitong programa na GMA-7.  Hindi pa rin pala dahil hindi umano pinayagan si Aiai de las Alas na mag-promote ng concert nila nina Regine Velasquez, Ogie Alcasid at Rico J. Puno sa Araneta Coliseum, ang Forever After sa SOP.  Siyempre pa, nalungkot si Aiai pero wala siyang nagawa dahil may kontrata siya sa Dos.  Ang move na ito ay naunawaan naman nina Ogie at Regine na parehong nasa SOP.

Samantala, kaabang-abang naman ngayong gabi ang Bitoy’s Funniest Videos ni Michael V. sa kanilang pre-Valentine presentation.

* * *

E-mail: [email protected]