Nag-aral magluto sa Switzerland

One evening, colleague Robert Silverio treated me to dinner sa isang sabi niya ay kabubukas na restaurant sa 431 Shaw Blvd. Mandaluyong City, ang Country Steak House.

Kaibigan niya ang may-ari ng lugar na si Winnie Ramos na ang anak na si Apple ang resident chef. Sa Switzerland pa nag-aral ng pagluluto ang batang chef (she’s in her late 20s at may master’s degree siya sa Les Roches, Valais, Switzerland. Anim na taon nang nasa catering business ang mag-ina nang udyukan sila ng mga suki nila na magtayo ng isang lugar na mapupuntahan naman nila to unwind.

Napaka-relax ng atmosphere ng Country Steak pero ang nakakaaliw ay ang tatlong kabataan na nagbibigay ng mga musikang oldies, isang saxophonist, keyboard player at base player. Galing nilang tumugtog!

Pero, ang pinaka-come-on ng lugar ay ang napakasarap na pagkaing isinisilbi ni Apple. Steak ang ispesyalidad ng lugar at ang isang serving nito ay kayang pakainin ang tatlong myembro ng pamilya, wa etchos.

Sa Valentine’s Day, sa halagang P595/head, may set menu na binubuo ng strawberry cooler, mango balsamic & seafood salad, tomato & herbs soup, beef tenderloin w/ vegetable canneloni & garlic mustard potato in red wine sauce at white & dark chocolate mousse.

Pinasubok sa akin ito at talaga namang nabundat ako pero, di ko naubos ang bawat isilbi sa akin dahil nga malaki ang serving.

For sure, magkakawalaan ang lugar sa V-day kaya kung type n’yo ng isang tahimik na celeb, go kayo kay Apple, bubundatin nya kayo.

* * *

Nag-aanyaya ang Sining Sambaydiwa (dating Dulaang Balintataw) kabalikat ang True People Prods. & Mngt. sa lahat na interesadong sumali sa kanilang Palihan sa Pag-arte Para sa Entablado, Pinilakang Tabing at Patalastas sa Telebisyon (Acting Workshop for Stage, Screen and TV Commercials) na ginaganap tuwing Sabado lamang, umaga at hapon, Pebrero hanggang Marso sa Ninoy Aquino Parks & Wildlife Nature Center, Diliman, QC.

Bukas ito sa may edad walo (8) pataas hanggang sa nasa hustong edad na. May panayam ngayon, 1-4 NH; Peb. 18, (huling araw ng pagpaparehistro), 9NU-12 NT at ang unang araw ng pagsisimula ng palihan (1-5NH) Para sa iba pang detalye, tumawag sa PLDT-3762267, Smart- 09207747106, Globe- 09062237787 at Producer - 09182712522.

* * *

E-mail: [email protected]