Hotbabe, nagpa-pansin sa isang show!

Pinag-uusapan pa sa isang nearby province ang isang member ng Viva Hotbabes. Habang kumakanta sila at sumasayaw ay pabuka-buka ito ng bibig gayundin ang mga paa para maiba ang ginagawa sa lahat.

Nagbunga naman ang kanyang ginawa dahil siya ang pinalakpakan ng mga tao.

Isa itong kontrobersyal na Hotbabe dahil laging napapaaway sa kanyang mga kasamahan.

Angel, Niligawan Din Ni Richard

Tinanong ko sa presscon ng I Will Always Love You si Richard Gutierrez kung dumating ba sa punto na niligawan niya si Angel Locsin. Noon kasing nagsusyuting sila ng Sigaw ay very close ang dalawa at dun nagsimula ang pagtatangi ng aktor sa dalaga.

Hindi naituloy ang kanyang panliligaw dahil nagkaroon ng MU sina Angel at Dennis Trillo pero nagkahiwalay din.

Champagne, Suporta Kay Manny Pacquiao

Dumating na ng bansa si Champagne Morales kasama ang amang si Atty. Ciso Morales mula sa panonood nila ng naging laban ni Manny Pacquiao.

Nagtungo dun si Champagne para bigyan ng suporta ang kanyang co-host sa Sports Idol sa IBC 13 na napapanood tuwing Biyernes.

"Halos mawalan ako ng boses sa kasisigaw. Nang manalo siya ay pinuntahan namin siya ni Papa sa Wynn Hotel. Niyakap ko siya at asawang si Jinky dahil sa malaking karangalang ibinigay nila sa bansa at maging sa aming programa," ani Champagne.