Samantala, nagkabalikan na sina Gwen Garci at Andrew kaya naiwan na naman ulit sa ere si Ethel Booba na lately ay siya ang kinakalantare ni Andrew kung kaya’t nagalit si Gwen kay Ethel dahil lumalabas na sinulot niya ang kanyang boyfriend. Samantala, ang ex-bf ni Ethel na si Alex Crisano ay mayroon ng bagong girlfriend kaya super loveless daw si Ethel ngayon.
Lahat halos ng TV show lalo na sa mga talkshow, napapanood si Ms. Plinky Recto na cry nang cry dahil ang kanyang anak na umano ay kinidnap ng kanyang live-in partner na ama rin ng bagets. May banta si Ms. Recto, hindi siya titigil kahit ano pa ang mangyari hangga’t hindi niya nababawi ang kanyang anak. Oo naman, dahil ang ina ay ina!
May umuusok na balita kay Angelica Jones na papasok pa lang daw ang 2006, mayroon na itong kaaway. Sino kaya? Magsasalita siya sa S-Files once and for all para maging klaro kung bakit siya nakikipag-away if ever na mayroon nga.
Dahil laging magkasama sa TV show sina Rochelle Pangilinan ng Sexbomb at Kier Legaspi, balitang kumakalat na sila na ang magsyota.
Nagkasama na sila noong unang episode ng Daisy Siete at maging sa episode ngayon, kaya hindi maiiwasang di sila magkita at magkasama sa taping.
Walang masama if ever na gustong tumulong ni Jonalyn Viray, ang Pinoy Pop Superstar champion sa kanyang ina na naghihirap sa buhay sa piling ng ibang pamilya. Si Jonalyn ay sa kanyang ama nakapisan.
Siguro raw ay hindi naman ito ikagagalit ng kanyang ama at madrasta. Maganda ang gagawin ni Jonalyn sa kanyang ina. Marami pang pag-uusapan at mga kontrobersyal na issues, topics at artista ang mapapanood sa S-Files ngayong, 4NH. — LGC