Erik Santos, Hitmaker of ‘05

Hindi mapapasubalian na ang tinataguriang Prince of Pop ang Hitmaker of 2005. SRO ang mga concerts niya, dito man o sa abroad. Certified hits ang mga records niya. Triple platinum ang first album niya samantalang nag-gold kaagad ang kanyang pangalawa. Bigyan pa natin ito ng konting panahon at aakyat din ito ng platinum.

Bilang grand prize winner ng Star In A Million, dinudumog ng kanyang mga tagahanga at supporters ang bawa’t niyang palabas. Sa ginawa niyang Paskong Pasasalamat sa Marikina Riverbanks, mahigit sa 10,000 tao ang nanood.

Ang kanyang debut album na "This Is The Moment" ay nag-prodyus ng mga hits songs na "Pagbigyan Muli", "This Is The Moment", "I Believe I Can Fly", "Kung Akin Ang Mundo" at "Di Ko Kaya". Ang mga awiting "Loving You Now" at "I Will Never Leave You" mula sa kanyang 2nd album na "Loving You Now" ay ginamit na theme songs ng mga telenovelang Stained Glass at Green Rose.

Believe sa kanya ang maraming sikat na artists dahil iginawa nila siya ng kanta. Tulad ni Vehnee Saturno na gumawa ng "Goodbye’s Not Forever", "Martin Nievera na gumawa ng awiting "Mystery", Ogie Alcasid, ang komposer ng "Bakit Iniibig Ka", isang duet nila ni Regine Velasquez at si Jimmy Antiporda na gumawa ng Who’s Loving You Now".

Nakapag-perform na rin siya sa stage kasama sina Sharon Cuneta, Martin Nievera, Pops Fernandez, Kuh Ledesma, Regine Velasquez at marami pang iba.

Kari-renew pa lamang niya ng kanyang kontrata sa BPI bilang official endorser ng BPI Expat Pinoy Program. Mapapanood na ang TV commercial nito.

* * *

Swerte naman ng mga anak ng Mowelfund members. Itu-tour sila sa Enero 8, 2-5 NH ng Snack Arts ni Bibsy Carballo sa pambansang Museo ng Pelikulang Pilipino at sa kabubukas na FPJ wing. Magkakaro’n din ng entertainment numbers, fun and games.

Ika-18 taon na itong ginagawang annual activity ng journalist-talent manager na si Bibsy Carballo na ang mga tumatanggap ng biyaya ay mga anak ng marginalized families. Sa taong ito, nakipagtulungan siya kay Ms. Boots Anson Roa.

* * *

Bukod sa pagiging co-host niya ng Manny Pacquiao Sports Idol na napapanood tuwing Biyernes, 6-7 NG, IBC 13, abala rin si Champagne Morales sa theater company na Pro. Pro, na nagpapalabas sa iba’t ibang campuses sa bansa. Isa sa pinaka-latest nitong production ay ang Batch 2005: Greased, isang musical nina John Travolta at Olivia Newton John. Bukod sa mga original songs sa nasabing musical, gumamit din sila ng sarili nilang original compositions.

Graduate na si Champagne ng psychology sa La Salle.

* * *

Ikalawang kabanata na ‘to ng aking pagpapasalamat sa mga taong nakaalala sa akin ngayong Pasko – HIP TV, MBC, Aiai delas Alas, Vinia Vivar, Jim Acosta, Jemuel Salterio, Nitz Miralles, Erik Santos, Aster Amoyo, Nora Calderon, Ed de Leon, Kuya Germs, Angelu de Leon, Boots and Pete Roa, Bibsy Carballo, Remy Umerez, Regal Films, Dondon Monteverde, Rufa Mae Quinto, Gantimpala (to be continued).