Japan Embassy officer natanggal na sa puwesto

Wala na raw sa posisyon ang Japan Embassy officer na contact nina Joed Serrano and Robby Tarroza na nasangkot sa deportation issue nina Rudy Fernandez at Alma Moreno.

Ayon sa source, nagpaalam na si Mr. Ogawa sa mga kaibigan niya. Inamin ni Mr. Ogawa na nakagalitan siya ng kanyang bossing dahil sa issue daw ng human trafficking. Mismong si Mr. Ogawa raw ang nag-confirm nito sa isang round table interview.

Actually, sa cultural affairs pala ng Japan Embassy naka-assign itong si Mr. Ogawa. Kaya lang, kaya raw nitong bulungan ang mga tao sa Embassy.

Pero mas grabe as in grabe pa ang mga revelation ng source ng PSN tungkol sa issue.

Ni-recall niya kung paano nag-try ang magkaibigang Joed at Robby na ipa-hold ang concert nina Regine Velasquez and Jaya three years ago sa Japan. Buti na lang daw at legal ang pagpasok nina Regine and Jaya.

"Kinuha niya ang poster and then he faxed it sa Narita Airport. Eh kaso, hindi nila na-hold kasi nga legal ang papers nila Regine," say ng source na minsan na ring nagpunta ng Japan.

Last year din daw, muntik nang ma-hold si Jessa Zaragosa matapos itong mag-iba ng promoter sa Japan.

Kasama raw no’n si Pops Fernandez eh na-advice na raw nina Joed na i-hold si Jessa pagdating sa Narita Airport. So nataranta raw si Joed dahil baka-i-hold si Jessa at magsalita eh alam ni Jessa na sila lang ang puwedeng ituro since nagpalit nga siya ng promoter.

Si Nikki Valdez daw, na-deny ang visa.

Actually, marami pang kuwento ang source ng Baby Talk, pero grabe hindi mo talaga ini-expect.

Anytime now ay magsasampa na ng demanda si Alma Moreno laban kina Robby at Joed.

Maraming naka-schedule mag-testify including Jenine Desiderio na isa sa mga na-airport to airport.

Aside from Jenine, marami pa raw ibang magti-testify pero ayaw munang i-reveal ng source na beterano na rin sa pagja-Japan.

Sa side ni Rudy Fernandez, balitang magpa-file ito ng protest sa Japan Embassy. Marami raw sasabihin ngayong gabi sa Showbiz Stripped (hosted by Ricky Lo sa GMA 7) si Daboy tungkol pa rin sa nasabing kaso.

* * *

"I like her but we were never live in partners," sabi ng komedyanteng si Ya Chang sa press statement tungkol sa issue ng umano’y pambubugbog niya sa isang nagngangalang Annalyn Nicole Jacob na nagsampa ng complaint sa Bureau of Immigration and Deportation laban sa komedyante.

Sa press statement ng kampo ni Ya Chang, sinabi nitong: "I am a peace loving person. I don’t do physical harm to any girl," sabi niya.

Nakilala niya raw ang girl na ito through a friend na nagta-trabaho sa isang KTV sa Makati City.

Nag-deny din siya tungkol sa mga sinasabing pananakit physically sa babae na umano’y rason ng babae kaya niya iniwan ang condominium ng komedyante.

May kaukulang working permit din daw si Ya Chang na inissue ng Immigration and the Department of Labor and Employment such as Alien Certificate of Registration.

"I love the Philippines. I enjoy working here because I have a lots of friends here. I don’t want to be deported," sabi nito sa press statement.

Halos dalawang taon na sa bansa si Ya Chang since dumating siya ng ‘Pinas.

* * *

Maganda ang attitude ng ABC 5. Hindi sila nakikipag-compete sa dalawang higanteng network na nag-uuntugan. Mas gusto nilang maiba. Totoo naman.

Two years ago nang sabihin ng ABC owner na si Mr. Tony Cojuangco nang pasukin niya ang nasabing negosyo na: "You don’t have to be the biggest to be the best." Ngayon ay tinatrabaho na nila ito - sinusubukang maiba sa mga programang napapanood na natin sa nag-aaway na channel.

Last Tuesday, pormal na ini-announce ng ABC ang kanilang new program slate. Sinabi ng network executive led by Executive Vice President & COO Reggie Galura, na mas malakas na ang kanilang financial muscle para sa kanilang mga programa, modernization and expansion. Aabot na sa P2 Billion ang kanilang capital from P700 million.

Sa nasabi ring affair formal na nagkaroon ng launching ang bagong shows ng ABC - Shall We Dance - The Celebrity Dance Challenge hosted by Lucy Torres with Dominic Ochoa, showbiz game show na Blind Item hosted by John Lapuz, SOS - Stories of Survival hosted by Martin Andanar, up close and personal interview with Ali Sotto, Wala Yan sa Lolo Ko and Totoo TV hosted by Maverick and Ariel.

Meron din silang mga foreign shows, The Apprentice, Donald Trump, The Apprentice - Martha Stewart, Rockstar INX and So You Think You Can Dance.

Sa ABC 5 din mapapanood ang Miss World sa December and 23rd SEA Games from Nov. 27 to Dec. 4.

* * *

Salve V. Asis’ e-mail - [email protected]