Rufa Mae, ayaw seryosohin si Mayor!

May nagtanong kay Rufa Mae Quinto sa marriage proposal sa kanya ni Mayor JV Ejercito na isinulat nito sa dingding ng Bubble Gang Toppings.

Sinabi ng sexy actress na ayaw niya itong seryosohin.

Sinabi niyang wala silang commitment ni Mayor JV at hindi pa siya handa para pumasok sa isang seryosong relasyon.

Ogie, Di Pa Kayang Manatili Sa Australia

Naniniwala pala sa multo si Ogie Alcasid. Nung binata pa siya ay may kumakatok sa kanilang banyo habang siya’y naliligo pero nang buksan niya ang pinto ay wala namang tao.

Natutuwa nga siya dahil ang kanyang pamilya sa Australia ay hindi rin naniniwala sa mga multo lalo na ang dalawang anak na sina Leila at Sarah.

Tinanong namin kung ano ang pinagkakaabalahan ni Michelle sa Australia.

"Siya ang namamahala sa pagpapatayo namin ng bahay at nangangalaga sa aming mga anak," aniya.

Gustuhin man ni Ogie na manatili sa Australia ay hindi pa sa ngayon dahil narito ang trabaho niya. Bagama’t nami-miss nito ang pamilya ay wala namang problema dahil anytime na gusto niyang makita ang mga ito ay agad siyang nagtutungo roon.

Sa kasalukuyan ay tumutulong siya sa mga baguhang banda gaya ng tumutugtog sa kanilang Bubble Gang Toppings.

Pahinga Muna Ang Puso

Maraming natuwa na mga kasambahay ko nang malamang na-extend pa ang Encantadia dahil masugid silang tagasubaybay ng telefantasya. Baka abutin pa ito ng Disyembre dahil nagdagdag pa ng maraming eksena. Dapat ay aalis na ngayong Nobyembre sina Jennylyn Mercado at Mark Herras para sa gagawing soap opera sa New York pero di muna tutuloy.

Biniro ko nga si Jen na baka sa lamig ng New York at ganda ng kapaligiran ay posibleng magkabalikan sila.

"Wala na talagang pag-asa, Tita dahil ayaw ko nang lumuhang muli. Masaya na ako ngayon at pahinga muna sa pag-ibig," aniya.

Nanliligaw Kay Pauleen

Inamin ni Pauleen Luna na nililigawan siya ni Mark Herras at dinadalaw siya nito sa kanilang bahay. Minsan ay naaanyayahan itong mag-dinner dun.

"Hindi ako naaapektuhan sa intrigang ma-tsiks ito hanggang hindi ko pa napapatunayan. Nothing is impossible kung dumating ang time na sagutin ko siya. I like him as a person. He has a jolly disposition in life at laging naka-smile. Magalang siya kay Mommy," sey ng magandang aktres.

Excited na si Pauleen sa kanyang pelikulang Blue Moon kung saan isa siya sa dalawang magandang babae na nagngangalang Corazon na umibig kay Mark. Yung isa ay si Jennylyn Mercado.

Blind Item: Nakakalusot Sa Japan

Hindi problema sa sexy actor ang magpabalik-balik ng Japan. Kasa-kasama kasi nito ang isang Pinay na matrona na citizen na ng Japan. Nililigawan rin ito ng sexy actor. May-ari ito ng isang club sa Japan. Nagkakilala ang dalawa dito sa bansa nang magtungo sa gay bar na sinasayawan ng aktor. Nabola niya ito kaya hayun! Lagi na silang magkasama sa Japan. Ayon sa aking source ay nakakalimutan na ng sexy actor ang kanyang pamilya at di muna sinasagot ang tawag ng asawa.

Naging kontrobersyal ang sexy actor dahil sa pakikipagrelasyon din sa bading nitong manager.

PASASALAMAT: Sa magandang pag-aasikaso sa amin at mabilisang proseso ng mga opisyales at staff ng SSS Alabang gaya nina Mesdames Esmeralda Garcia, Francisca Gardiola, Marie, Isabel Revilla, Malou Clores, Cherrie Padua, Mara Punzalan at sa branch manager na si Letty Barbers.

May your tribe increase!