Ms. Oriental Mindoro 2005 talent night sa Villa Anna Resort

Natutuwa ang CEO/President ng Villa Anna Paradise Resort and Farm na si Anna Dizon Flor, dahil bukambibig na ang resort nila ng husband na si August Flor. Kamakailan lang ay pinarangalan pa ang kanilang Villa Anna bilang Most Outstanding Mountain Resort sa National Awards Category ng Philippine Marketing Excellence Awards na ginanap last October 4 sa Westin Philippine Plaza Hotel. At maliban pa sa achievement na ito ay masaya rin si Anna dahil piniling pagdausan ng isang beauty pageant ang resort nila na matatagpuan sa Nautical Highway Mabuhay 1 Socorro Oriental Mindoro.

Bukas ng gabi November 5 (Sabado) dito gaganapin ang Talent Night ng Miss Oriental Mindoro 2005, na hatid ng Villa Anna at Ms. Oriental Mindoro Charities Inc., sa pakikipagtulungan ng Provincial Gov’t. of Oriental Mindoro thru the Provincial Tourism Office. Ang naturang beauty pageant ay sponsored naman ng Hot FM 104.5 at ng Hungry King’s Restaurant of Pinamalayan.

May surprise celebrity guest sa naturang okasyon upang magbigay sigla sa mga Mindoronian’s. – Peter S. Ledesma