Kung kelan walang career, saka pinag-usapan

Magsasalita na raw si Rudy Fernandez tungkol sa issue ng deportation at sa umano’y pambubugbog niya sa dating That’s Entertainment member na si Robby Tarroza.

Inihahanda na raw ng mga abogado ni Daboy ang mga dokumentong magpapatunay sa mga ginawa nila Robby sa grupo niya kasama na rito ang sulat na na-published na rito sa PSN.

Anyway, isa namang source ang komontra sa sinabi nila Robby at Joed sa mga interview nila last Sunday kung saan sinabi nilang hindi umabot ang sulat nila sa embassy. Say ng source, paano raw hindi aabot samantalang sinabi ni Robby sa secretary ng Viva na: ‘Bilisan na, hinihintay na ‘yan ng embassy.’ "So paano nila sasabihing hindi na umabot?" added my source.

Pinaninindigan kasi ni Robby na hindi umabot sa embassy ang nasabing sulat kaya wala talaga silang kasalan sa nangyari.

Of course, itatanggi naman nila ito.

Nakakatawa lang, kung kailan sila promoter na lang saka sila pinag-usapan at kabi-kabila ang publicity. Samantalang no’ng nasa That’s Entertainment sila at nagso-showbiz, di sila pinag-usapan.

Siguradong malayo pa ang tatakbuhin ng kuwentong ito dahil maraming nagalit sa nangyari kina Daboy at Alma kasama na si Joey Marquez na naging biktima ang dalawang anak nila ni Alma na ngayon nasa state ng trauma.

* * *

Kabi-kabila ang magagandang review na naririnig ko sa pelikulang Ilusyon, starring Jaycee Parker and Yul Servo.

As in impressed sila dahil kahit digital ang pelikula, nagawa ng director nitong sina Paolo Villaluna at Ellen Ramos na maging convincing ang kabuuan ng movie.

Proof na impressive ang movie ang A rating na ibinigay ng Cinema Evaluation Board. "Overall the film is impeccable," sabi ni Juaniyo Arcellana, member ng CEB at news editor ng The Philippine Star.

Sabi naman ni Raymond Red, Cannes Palme díor winner, Ilusyon is my kind or recipe-mysticism, visual poetry and nostalgia - this time laced with sensuality. Moody and engaging at the same time."

Sabi naman ni Butch Francisco, another CEB member and columnist of The Philippine Star: "Villaluna and Ramos know the medium of cinema...praise worthy performances particularly Yul Servo...Anita Linda is magnificent...Jaycee Parker is a big revelation...with Ilusyon, there still seems to be hope for the local film industry. And it’s not just an illusion of hope but a reality - as proven by this excellently-crafted digital movie."

Actually, hindi naman talaga ilusyon ang movie nang mapanood ko rin. Hindi puwedeng tanungin ang director kung bakit ilusyon ang napili nilang title.

I agree with Butch, kung lahat ng digital film na ipalalabas ay ganito, may pag-asa pa ang lokal na aliwan. Maliit man ang budget, pero hindi naman nagsa-suffer ang kalidad ng pelikula.

Magkakaroon ng regular showing ang pelikula on November 9 sa selected theaters in Metro Manila.

After ng Manila premiere nito, malamang na dalhin din ito sa iba’t ibang international film festival.

* * *

Magkakaroon na pala ng endorsement na magkasama sina Kris Aquino and James Yap. Ii-endorse nila ang mga rides na ilalagay sa The Fort.

First time ng dalawa na magkakaroon ng endorsement since mabalitang kasal na sila although may church wedding naman sila on February.

o0o

Special thanks sa mga readers ng PSN/PM sa Rizal, Sta. Elena Camarines Norte particularly to Ninang Dolores Mulato. Everyday daw siyang nagbabasa ng PSN/PM.