Bakit ngayon lang, Richard?

Sa tagal ni Richard Reynoso na kumakanta, at hindi naman siya maituturing na isang pipitsuging performer but a biggie kung awards at awards din lamang ang pag-uusapan (2nd, 1st KBP Music Fest, Nominee, 1990 Tinig Awards for the Classical and Kundiman categories; 1991 Awit Awards nominee for Best Performance By a Male Artist, Record of the Year, Album of the Year at Best Ballad Recording; 1992 nominee for Awit’s Best Revival By A Male Artist; awardee, Artist in Excellence in 1997’s Phil-American Convention & Exposition in Calif, USA) pero, ngayon lamang siya nagpasyang gumawa ng isang major concert. Magaganap ito sa Music Museum sa Oktubre 29, 8NG. Pinamagatang One Special Night ito ay ginawa ng Made4U Productions sa pakikipagtulungan ng GA Productions ng stage actor director na si Gus Aldeguer.

Magiging guest sina Rico J. Puno, Aiza Seguerra at Ara Mina. Mabibili ang tiket sa MM Ticket Net at sa lahat ng Made4U Shops sa Glorietta 4 Makati, LGF Megamall at Cubao.

Naging abala si Richard sa mga nakaraang taon sa mga international performances (USA British Columbia, Japan, Hawaii, Guam, Greece, Germany, Belgium, Amsterdam, Hongkong at Indonesia).

Nakapag-release na siya ng limang solo albums, lima ang nasa CD formats at may gold and platinum awards. His most memorable songs include, "Hindi Ko Kaya", "Paminsan-Minsan", "Maalala Mo Pa Rin" at "Kahit Sino".

Nakagawa siya ng 14 pelikula at nakapag-record ng 12 movie theme songs.

* * *

Bongga ang magiging selebrasyon ng ika-4th anniversary ng S magazine at 1st anniversary naman ng Inside Showbiz Magazine sa Oktubre 22 sa The Garden ng SM CITY NORTH EDSA.

Ang S at Inside Showbiz Mags ay inilalathala ng Global Publishing and Entertainment Corporation (GPEC), publisher din ng Celebrity Living, Pinoy Gazette at Access TV Program Guide.

May program na pangungunahan nina Raymond Lauchengco, Sherilyn Reyes, Marissa Sanchez, Smokey Manaloto, Alma Concepcion at Chocoleit at tatampukan din ng mga sikat na artista at recording artists.

* * *

Sa wakas, may solo concert na rin si K Brosas na magaganap sa Nob. 18 sa Music Museum

Pinamagatang K Bro... Alive in Manila susuportahan ito nina Erik Santos, Rufa Mae Quinto, Kyla, Keanna Reeves, The Boxers at Whiplash.

Sinulat at dinirek ni Floy Quintos, may tiket na nagkakahalaga ng P1000 at P500. Tawag na sa 8919999, MM 7216726/7210635; Backroom 4331120/4351108/4351098/4353808/ 09193798777.