Pia, 13 yrs old lang nang ligawan ni Carlos Agassi

Sa pagkapanalo ni Precious Lara Quigaman, nabigyan na naman ng pag-asa hindi lamang ang ating bansa na makilala bilang isang bansa ng magagandang babae at as a result ay muling lumakas ang ating tourism industry dahil siguradong dadagsain na naman tayo ng mga mayayamang negosyanteng dayuhan na naghahanap ng mga babaeng mapapangasawa.

Isa sa mga young stars natin ang napakalaki nga ng potensyal na sumunod sa bakas ni Precious ay ang 16 na taong gulang na si Pia Romero. Bukod sa matangkad ito (5’7") ay matiyaga pa rin sa kanyang pag-aaral. Graduating na siya sa high school sa Distance Learning Center ng ABS CBN.

Bukod sa isang artista ay unti-unti nang namamalas ang kanyang physical beauty sa mga programang Bora at Wowowee. Pero, hanggang shorts, mini tops o kahit sa one piece bathing suit pa lamang siya. Ang two piece ay inire-reserba niya para sa isang ispesyal na okasyon o role.

Tumutugtog din ng gitara ang Filipino, German, Chinese beauty na ito na nagsasabing ang unang talent niya ay pagra-rap. Ang mga iba raw ay na-developed na lamang.

At 13 years old ay niligawan siya ni Carlos Agassi pero, kailan lamang niya na-realized na panliligaw pala ang ginawa nito sa kanya. Akala niya ay close-close lamang sila.

After a year or two, payag si Pia na mag-try sumali sa mga beauty contests.

* * *

Sinundan na ni Anthony (Mark Herras) si Lira (Jennylyn Mercado) sa Encantandia. Balak niyang isama ito pabalik sa mundo ng mga tao. Pero, tutol ang magkakapatid na Amihan (Iza Calzado), Danaya (Diana Zubiri) at Alena (Karylle) sa balak niya. Ipaglilihim pero, nakatakdang magkita ang dalawa.

Samantala, matitiis kaya ng tatlo ang pagkalason ng kapatid nilang si Pirena (Sunshine Dizon)?

Ito ang mga exciting na episode na mapapanood ngayong gabi at bukas sa Encantadia, GMA7.

* * *

May ibibibigay na workshop ang ABS CBN para sa buwan ng Oktubre. Ang mga kurso ay Acting for Film & TV, Voice, Musical Theater, Hosting, Dance, Modelling & Newscasting.

Kung interesado, sali na sa Workshop@ABSCBN, 4153828 at 4169366. Pwedeng mag-email sa workshop@abs cbn, pinoycentral. com.

* * *

E-mail: [email protected]