Ayon kay
Lorna Tolentino, pinatawad na niya si
Deborah Sun sa pagkakautang nito sa kanya ng P800,000 na halaga ng mga alahas na kinuha sa kanya. Sinabihan na nga ni LT ang kanyang abogado para iurong na ang demanda laban sa dating malapit na kaibigan dahil marami siyang blessings at sapat na yun para kalimutan ang nakaraan at patawarin si Deborah.
May gagawing sitcom si LT sa
Channel 11 under
VEGA Productions kung saan silang magkakaibigan ang prodyuser na kinabibilangan (bukod kay LT) nina
Esmeralda (Amy Austria), Regina (Gina Alajar) at
Alexandra (Sandy Andolong) kung saan sa kanila rin kinuha ang pangalan ng produksyon. Si LT ay
Victoria Lorna ang tunay na pangalan.
Ang pamagat ng sitcom ay
OH! Mare Ko! kung saan hinaluan ito ng ala-
Golden Girls, Sex in The City at
Desperate Housewives na istorya at direksyon ni
Soxy Topacio.
| Becky-Angel, Walang Problema |
Dumalaw sa burol ng aking ama si
Becky Aguila at nalaman naming wala silang problema ni
Angel Locsin. Ayon sa manager, may gusto lang manira sa kanilang magandang pagsasamahan. "Intact ang pera ni Angel sa bangko at marami na itong naipundar na kabuhayan" ayon pa sa manager.
Balak ni Angel na magtayo ng restoran.
Bukod sa pagpapaseksi, magaling umawit ang latest talent ng
WaterPlus Productions na si
Glow Garzi. Kasama siya ng
D’ Bodies,
D’Point Guyz,
D’Point Teenz/Kids at
D’Point Ola Chika sa Christmas in September concert nila noong nakaraaang Sabado sa Party Central, #141 Mother Ignacia Ave., malapit sa
ABS-CBN, Quezon City.
Pangunahing endorser ng
4Life-Water Plus Family si Glow at iniintrodyus sa kanilang pangalawang pelikulang
Yakapin Mo Ako Sa Dilim na dinidirek ni
Baldo Marro. Inawit ni Glow ang theme song ng nasabing pelikula.
Bale ipinakilala si Glow sa concert na ito, kasama ang iba pang kapwa niya
Nasty Girls na sina
Carla Garcia, Sandy Cam, Kinky Soliman at
Samantha Ong na nakipagpatalbugan bilang sexy back-up dancers niya.
| Blind Item: Dating Pakalat-Kalat Ang Young Actor |
Ayon sa isang source na kilala ang aktor kung saan ito nagpapalaboy-laboy noon bago naging artista. Patambay-tambay lang ito sa mga kalye at maraming kaibigang bading na may parlor ayon sa source. Kaya mabait ito sa kanila dahil nakakalibre ito kapag nagpapagupit siya sa parlor nila.
Hanggang dun lang naman ang drama ni young actor at wala naman itong nakarelasyong "bading" dahil babae pa rin ang hanap nito sa buhay kung saan girlfriend niya ngayon ang isa ring aktres na nakakapareha nito sa telebisyon at pelikula.