BJ, inaantok pag bagong paligo!

After Niño Muhlach and Aiza Seguerra, heto’t may bagong child wonder ang local cinema na maituturing. Ito si BJ "Tolits" Forbes. Sa Tide commercial unang nakilala si BJ pero, sa Eat Bulaga siya kinaaliwan ng lubos ng mga TV viewers, kahit pa di siya pinatatawad ng grupo at hinihilamusan din ng icing sa tuwing makakatapos ang Bulagaan portion.

Dahil sa kanyang katalinuhan kung kaya kinuha ni Vic Sotto para makasama nito sa kanyang pelikula sa Regal at APT Films ni Antonio Tuviera ng TAPE, producer ng Eat Bulaga, ang Ispiritista...

"Di ko alam na marunong pala siyang umarte. Di rin siya maituturing na child actor dahil kapag binigyan siya ng instruction ng direktor ay sumusunod siya na parang isang seasoned actor. Nakatrabaho ko na rin ang ilan sa magagaling nating child stars, tulad nina Niño Muhlach at Aiza Seguerra, siya lang ang hindi ko kinakitaan ng topak. Minsan, nag-walk out ito pero bumalik din after 15 minutes matapos silang mag-usap ng mother niya.

"Na-low batt yata matapos makatikim ng paligo sa kanyang bath scene kaya ayun, kailangan pa nilang mag-ayos na mag-ina," ani Vic.

In fairness, bago nagsimula ng shoot ay nagsabi na si BJ na inaantok siya kapag bagong paligo. Nag-request pa ito na ilagay na lang sa huli yung bath scene niya. Eh, nakalimutan siguro kaya ayun, nag-walk out ito, antok na antok kasi.

Mag-ama sina Vic at BJ sa Ispiritista: Itay, May Moo-moo!, palabas na sa Oktubre 28. Si BJ ang totoong nakakakita ng multo pero, si Vic ang nagpapanggap na ispiritista. Kasama rin nila ang halos lahat ng cast ng Eat Bulaga, plus Cindy Kurleto, Redford White ng Daddy Di Do Du and Soxie Topacio, Teri Onor, Gladys Guevarra, Antonio Aquitania at Sexbomb Girls mula sa direksyon ni Tony Y. Reyes.

* * *

Maraming gagawing costume changes si Sarah Geronimo sa kanyang Araneta Coliseum concert sa September 30 (The Other Side).

Para lalo siyang gumanda, igagawa siya ng damit nina Rajo Laurel at Rhett Eala. Si Juan Sarte naman ang maglalagay ng make-up niya at si Jing Monis ang bahala sa buhok niya.

Para mapaiba sa maraming concerts, gagawing kakaiba ng Viva Concerts ang ending ng concert ni Sarah.

* * *

E-mail: [email protected]