Hindi na si
Diether Ocampo o si
Dingdong Dantes ang makakapareha ni
Rica Peralejo sa
Kutob kundi si
Marvin Agustin, isang horror suspense na pang-
Metro Manila Film Festival entry ng
Canary Films.
Hindi pwede si Dingdong dahil may entry din ito sa
GMA Films titled
Mulawin. Magsisimula na ang syuting ng movie kaya magiging abala na naman si Rica. Idagdag pa rito ang piktoryal niya pero sa ikatlong album na gagawin nito under
Galaxy Records. Paalis ito sa September 23 para sa
ASAP Japan at sa October 1 naman, sa Australia para sa
Wowowee.
Desidido si
Valerie Concepcion na ipagpapatuloy ang pag-aaral at kumuha ng kursong Business Management. May anak na siya na gusto niyang mabigyan ng magandang kinabukasan. Hindi naman habang panahon ay nasa tabi niya ang magulang.
Kahit sa paghawak ngayon ng pera ay masinop ito dahil ayaw na niyang tumanggap ng sustento mula sa ama ng kanilang lovechild. Wala na silang komunikasyon ngayon.
Hindi na nito iniisip na magkaroon ng magarbong debut ngayong Disyembre dahil gustong ipunin na lang ang pera para sa kanyang baby.
Babae ang bida at kakaibang tapang ang kanyang ipinakita upang mabigyan ang mga manonood ng isang airborne thriller na talaga namang nakakagulat ang suspense at excitement. Pinamagatang
Red Eye, hataw sa husay ng akting si
Rachel McAdams sa papel ng isang batambatang negosyanteng sakay ng isang jumbo jet na nakatuklas sa isang planong asasinasyon na kailangan niyang pigilan sa anumang paraan. Punumpuno ng makapigil-hiningang mga eksena mula umpisa hanggang katapusan. Kabituin sina
Cillian Murphy at
Brian Dox, ang
Red Eye ay mula sa
DreamWorks Pictures at ipinamamahagi sa ‘Pinas ng
United International Pictures sa pamamagitan ng
Solar Entertainment Corporation.
| Madalas Mawala Ang Manager At Baguhang Aktor |
Namasyal sa Amerika ang manager na konektado sa isang malaking network kasama ang ilang staff at mga kasamahang artista para sa
TFC dun. Pero ayon sa aking source ay madalas mawala ang manager kasama ang kapatid ng kilalang aktor. Hindi ang aktor ang Papa nito kundi ang nakababatang kapatid nito na nag-artista rin.
Guwapo rin kasi ang young actor at malakas ang appeal kaya natipuhan ng manager. Baka naman kaya mabait ang young actor sa manager ay dahil gusto rin nitong sumikat gaya ng kanyang nakatatandang kapatid.