Papaano kasi, ang karakter na gagampanan ni Geoff ay ang first love ng character ni Bea na si Jasmin. Si Geoff ay si Ricardo Fernando III — palayaw niya’y Third — ang best friend at first love ni Jasmin noong silang dalawa’y musmos pa.
Noon pa man, si Third lamang ang hingahan ng sama ng loob ni Jasmin sa matinding pang-aabuso sa kanya ng kanyang madrasta. At kahit bata pa’y sumumpa si Third na isang araw, ilalayo niya si Jasmin sa kahirapang kanyang pinagdadaanan. Pero nauwi rin sa wala ang lahat — nakahanap ng oportunidad ang ina ni Third sa ibang bansa at sinama niya si Third.
Ngayon ay magbabalik si Third sa buhay ni Jasmin. At hindi lang basta-basta ang pagbabalik niyang ito. Isa nang sikat at mayamang manunulat si Third. At ang publishing house ni Oliver (John Lloyd Cruz) ang maglalabas ng bagong libro ni Third.
Makuha kaya ni Third ang puso ni Jasmin? Tatanggapin ba ulit ni Jasmin si Third sa buhay niya? At papayagan ba ni Oliver na kunin ng ibang lalaki si Jasmin? Alamin ang lahat sa mga bagong episode ng Ikaw Ang Lahat Sa Akin, sa ABS-CBN Primetime Bida lamang.