Katherine, ayaw ipakita ang anak sa ama!

Nakausap namin si Coco Martin sa birthday party ni Wilson Tieng. Kasama nito ang manager na si Ihman Esturco. Nalulungkot ito dahil hanggang ngayon ay di pa niya nakikita ang lovechild nila ni Katherine Luna. Ayaw nitong ipakita sa kanya ang anak.

Mabuti na lang at na-compensate ito ng tagumpay ng pelikula niyang Masahista na nanalo ng Best Picture sa Golden Leopard Award sa Lucarno International Film Festival sa Switzerland. Dadalhin din ang pelikula sa Toronto Int’l Film Festival.

Albert, Balik-Soap Opera

>Isa sa maituturing na kaibigan ni Wilson si Albert Martinez dahil tuwing birthday nito ay narun ang aktor. Nakausap namin ito sa party ni Boss Wilson sa Hard Rock noong Lunes at sinabing may bago siyang soap opera sa Dos titled Sa Piling Mo na tatampukan ni Judy Ann Santos.

Masasabing magandang halimbawa si Albert pagdating sa mga ideal showbiz couple dahil napanatili nitong matatag ang kanilang pagsasama ni Liezl.

Kinumusta ko kasi ang mga anak niya "Wala kaming problema ni Liezl sa kanila dahil lumaki silang mabubuting mga anak at never na nagbigay ng sakit ng ulo sa amin," aniya.

Donna, Di Takot Matsugi Sa Wowowee

Naging very open si Wowowee girl Donna Jae sa pagsasabi na maliit lang naman ang kinikita nila sa Wowowee bukod pa sa laging puyat dahil sa dance rehearsal. Every time na dumarating silang late sa show ay kinakaltasan sila ng 100.00 per hour.

Gayunpaman nagpapasalamat pa rin ito sa naitulong sa kanya ng show dahil nagkaroon siya ng exposure at mga tagahanga.

Hindi ba siya natatakot na matsugi sa programa ngayong lumalabas na tila nagrereklamo siya?

"Huwag naman sanang mangyari yun. Wala naman masama kung naging very vocal ako dahil ako lang ang may lakas ng loob na magsabi nito," anang sexy dancer.

Sakali namang mangyari ito ay nakahanda siya. Tutal she’s only 16 at marami pang magagandang oportunidad na darating sa kanyang buhay.

Blind Item: Kailangang Uminom Ng Brandy Ang Sikat Na Aktres Bago Mag-Show

Kapag may show ang isang sikat na aktres ay umiinom ito ng brandy para lumakas ang loob.

Minsan, after ng show ay nakatulog ito dahil nakainom ng marami sa isang music bar. Nakasubsob pa ang ulo nito sa mesa. Maya-maya ay umungol ito, natakot ang alalay-PA kaya dinala ang aktres sa isang ospital.

Ngayon ay nagso-show pa rin ang aktres pero di ko tiyak kung kailangan pa rin niyang tumikim muna ng brandy para maalis ang kaba kahit matagal na itong performer.