Ayon sa balita, ang hardhitting tv host/columnist daw ang nagbibigay ng lakas ng loob sa dating sexy star upang harapin ang mga kalaban nito, partikular na ang dating manager nitong si Lolit Solis at ang kanyang dating bestfriend na si Dra. Vicki Belo. Bukod dito ay sustentado rin daw ng tv host-columnist si Osang sa mga pangangailangan nito mula sa gastusin sa bahay hanggang sa mga personal na pangangailangan.
"Hindi totoo ‘yon," ang matipid at matigas na tanggi ni Tulfo.
Samantala, aminado si Tulfo na minsan ay nadalaw sa kanyang opisina si Osang, ngunit hindi sa kung anupaman kung hindi, upang magtanong lamang ng identity ng isang babaeng nilukuban ng masamang espiritu na kanilang na-feature sa kanilang television program.
"Minsan lang kami nagkita ni Osang dito sa aking opisina dahil nga gusto niyang malaman ang pangalan at kung saan maku-kontak ang isang na-feature naming tao sa aking tv program."
Pagkatapos umano ng unang pagkikita nila sa kanyang opisina at makuha ang identity ng babae ay hindi na rin daw sila nagkausap pang muli kaya’t sigurado si Tulfo na hindi siya ang sinasabing hardhitting tv host/columnist na nauugnay dito. – Tonton Villamor