That’s, ibabalik sa Zoe 11

Ikatutuwa ng maraming gustong mag-artista ang itsinika sa aming balak ibalik ni German Moreno ang That’s Entertainment. Para sa amin, ito ang original talent search at pinanggalingan ng mga sikat at magagaling na kabataang artista ngayon.

Ang daming nabigyan ng chance ni Kuya Germs na makapasok sa showbis at muling mabibigyan ng pagkakataon kung matutuloy ang plano niyang ito. Ayon sa aming source, sa Zoe Broadcasting Ch. 11 dadalhin ni Kuya Germs ang ibabalik niyang That’s Entertainment. Gusto nga raw ni Kuya Germs, isabay sa launching ng Zoe ang pag-i-ere ng That’s Entertainment.

Kapag nakita namin isa sa mga araw na ito si Kuya Germs, itatanong namin ang tungkol dito. Hindi lang mga bagets na gustong mag-artista ang matutuwa, pati na ang mga magulang na gustong pag-artistahin ang kanilang mga anak.

* * *

Pinasok at nilibot namin kasama ang ilang press people ang bahay na gagamitin sa Pinoy Big Brother na malapit sa ABS-CBN. Maganda’t malaki ang bahay at hindi magbubungguan ang 12 housemates na magko-compete for 100 days for endurance and patience.

Pero, mabuburyong pa rin sila’t walang TV, newspapers, radio, telephone at walang communication sa kanilang pamilya. Ang mas nakakaloka pa’y ang 26 camera ay 24 hours nakatutok sa mga contestant hanggang shower room at comfort room. Tiningnan din namin ang confession room na may one-way mirror and look errie.

May three-part primetime launch ang PBB bago ang regular airing nito sa August 22. Mauuna ang "Primer One" na "Eto na si Kuya" sa Aug. 13, ang "Ang Bahay ni Kuya" sa Aug. 20 at ang live street fiesta called "Ang Party ni Kuya" na pinakamasaya sa lahat dahil iwi-welcome ng Kapamilya stars ang 12 housemates. Isang house and lot sa St. Monique Villas, brand-new Nissan Frontier Titanium at P1 million in cash ang matatanggap ng mananalo.

* * *

Siguradong madaling magugustuhan ng televiewers si Marian Rivera, ang leading lady ni Oyo Boy Sotto sa drama series na Kung Mamahalin Mo Lang Ako. Magandang babae ang look-alike ni Alice Dixon, laging nakatawa’t magaling daw umarte.

Sa ganda’t seksi ni Marian, hindi maiiwasang may mag-isip na magustuhan siya ni Oyo’t pagselosan ni Angel Locsin. Pero, tiniyak nitong hindi siya magiging dahilan ng away nina Angel at Oyo dahil hindi siya mang-aagaw ng boyfriend. Pero, nagbiro itong kundi pa taken ang actor, magugustuhan niya ito’t mabait sa kanya.

Graduate ng BS Psychology sa La Salle-Dasmariñas si Marian. Spanish mestiza ang dalaga at TV commercial model bago nag-showbis. Crush niya si Dennis Trillo pero, kay James Blanco siya na-link. Siya ang itinurong dahilan sa pag-alis ni James sa poder ni Popoy Carirativo dahil nagseselos daw sa kanya ang current girlfriend nito na kanya namang itinanggi. Naka-date lang daw niya ng two months si James at hanggang doon lang ang kanilang relasyon.

* * *

Nakitang umiiyak ang magaling at batang TV personality habang kausap ang magaling at sikat na TV host-comedian. Ang hinala ng mga nakakita sa kanila’y may kinalaman sa lumamlam na career ng batang TV personality ang kanilang pinag-uusapan.

Sabi nang nakarinig sa pag-uusap ng dalawa’y, pinaalalahanan ng senior TV host-comedian ang batang TV personality na mali ang ginawa nitong paglipat ng TV station. Sa halip na mas sumikat, nawala ang pinaghirapan niyang TV career. Ang dating sa nakasaksi sa madamdaming eksena’y nagpapatulong ang batang TV personality na makabalik siya sa nilayasang TV network.

Pero, wala nang magawa ang sikat na TV host-comedian dahil ayaw na sa batang TV personality ng management ng dating pinagtrabahuhang TV station.