Sa isang pakikipagkwentuhan kay
Katrina Halili ay ‘di nito napigilan na maiyak dahil sa intrigang ibinabato na hindi naman siya sisikat kung hindi siya maghuhubad pero hindi naman ito papayag na mag-bold. Gumagawa na rin ito ng malaking pangalan na hindi nangangailangan ng pagtatalop ng katawan dahil magaling naman siyang umarte.
Nalilinya ito sa character role at payag naman siyang maging kontabida gaya ng ginawa niya sa
Sablay Ka Na, Pasaway Ka Pa kung saan magkakaroon ito ng kaugnayan kay
Mikey Arroyo na bida sa pelikula.
Balik uli ito sa telefantasyang
Darna bilang si Black Darna na isa rin sa kampon ng kadiliman.
| Mata Ni Direk Luigi, Idinonate |
Kapuri-puri ang ginawa ng pamilya ni
Direk Luigi Santiago nang i-donate ang mga mata niya sa dalawang kapuspalad na nakakakita na dahil sa corneal transplant.
Ganito rin ang kailangan ng aming katulong na si
Nidarlyn Aguilar na nangangailangan ng donor ng mata para sa kanyang corneal transplant kaya inilapit ko sa
Sagip Mata Foundation ng
Capitol Medical Center.
Ayon kay
Dr. Jose Alvin Agustin, matatagalan bago makakuha ng donor dahil mahirap makakuha ng pamilyang namatayan na handang i-donate ang anumang organ ng kanilang namayapang mahal sa buhay.
Wala naman palang dapat ikalungkot si
Katarina Perez dahil kahit mawawala na ang
Idol Ko Si Kap ay napunta naman ito sa
Darna. Kaya lang mami-miss niya ang mga kapatid sa sitcom na sina
Bong Revilla at
Goyong gayundin ang kanilang inang si
Luz Valdez. Lahat ay nailipat sa ibang telefantasya. Si Goyong at si Luz ay nasa
Sugo, tampok si
Richard Gutierrez.
Blind Item: Feeling Girl Ang Komedyante Dumalaw ang photographer sa taping ng isang sitcom para ipiktoryal ang baguhang bading na komedyante. Inspirado siya ng gabing yon dahil naroon ang pinagpapantasyahan niyang actor. Nang ipiktoryal na ito ay nag-request kung pwedeng isama ang crush na aktor.
Limang beses na nagpalit ng damit ang bading kung saan bigay na bigay ito sa piktoryal. Sweet na sweet ito sa kaparehang aktor na naiilang naman dahil may girlfriend na ito na isang aktres din.
Feeling girlash talaga ang bading na komedyante na galing din sa showbiz clan.