Jerome at Mabel, nagkaka-debelopan!

Usap-usapan na may namumuo raw na pagtitinginan ngayon sa pagitan nina Jerome Sala at Mabel Bacusmo. Parehong produkto ng Search For The Star In A Million ang dalawa.

Ayon sa source ko, madalas daw na magparinig si Jerome kay Mabel. Kapag si Mabel naman ang tinatanong, ngumingiti lang ito. Aniya, parang kuya raw ang tingin niya kay Jerome. Mabel is only 15 while Jerome is 21.

Madalas silang magkasama (dahil pareho silang Star Records artist.

Still on Jerome, may nakarating sa aking balita na nagtatampo na raw ang pamilya nito. Halos kaliwa’t kanan kasi ang mga shows ni Jerome. Grabe ang bookings niya. Pati shows abroad ay in-demand si Jerome. Halos hindi na pala ito umuuwi ng bahay.

Nakabili na pala ng bahay si Jerome dito sa Metro Manila. Hulugan pero mainam na raw ‘yon kesa umupa sila.

* * *

Matapos ang matagumpay na Kapamilya Summer Caravan sa America, Japan naman ang nakatakdang i-invade ng ABS-CBN at The Filipino Channel.

Inaayos na ngayon ng ABS-CBN ang line up of star na magiging part ng ASAP 05 sa Japan. Ilan sa kinu-consider, bukod sa regular hosts at performers ng ASAP 05 ay sina Aga Muhlach, Claudine Barretto, John Lloyd Cruz, Luis Manzano at iba pa.

Ngayong September nakatakda ang Kapamilya Summer Caravan sa Japan. Pero bago tumulak sa Japan, magaganap muna ang ABS-CBN caravan sa Davao ngayong August.

* * *

Tahimik na nag-birthday si AJ Dee noong July 27. Yon ang day na dumating siya mula sa America. Pagdating niya, nag-taping agad siya for Vietnam Rose.

Bilang regalo sa sarili, bumili si AJ ng bahay sa Horseshoe Village. ‘Yung naipon niya, dinagdagan ng parents niya.

"Siyempre, mas malaki pa rin ang share ng parents ko sa downpayment," sabi nito. "Pero mabuti na ‘yon na kahit papa’no, may napupuntahan ang earnings ko. Kaya ngayon, kayod-marino talaga ako. Kasi sa monthly amortization."

Sa nasabing bahay, kasama na ni AJ ang buo niyang pamilya. Kamakailan din ay nagkaroon ito ng house-warming. ‘Yon na rin ang naging birthday celebration ni AJ kasama ang ilang malalapit na kaibigan.