Nagmistulang asawa si Kris ni James sa US!

Pagdating ni Kris last Sunday mula sa extended stay sa America (kasama si James Yap), agad niyang pinadala sa kanyang secretary ang memory card ng camera niya sa isang photo processing shop. Naloka si Kris dahil naiwan ng secretary niya ang memory card sa shop.

"Hindi ko pinangarap na naka-display ‘yung mga photos namin ni James sa window ng photo shop, no!" nagtitiling sabi ni Kris.

Biniro ko ito na baka may mga shots na pang-private viewing lang. "Naku, wala namang gano’n. Hindi ko gawain ‘yon. Mahirap na!" sabi nito.

Aliw na aliw si Kris na ikinukwento ang mga nangyari sa kanila ni James sa America.

"Lahat ng damit niya, ako ang nagpaplantsa, no! Very particular ako sa mga clothes ni James. Ayoko ng may lukot!" sabi nito.

Speaking of Kris, nakatakda na niyang simulan ang bagong movie niya under Star Cinema. Makakasama niya si Claudine Barretto sa movie na ididirek ni Chito Roño. The movie is entitled Sukob.

* * *

Ongoing na rin ang shooting ng All About Love, ang love trilogy ng Star Cinema na pinagbibidahan ng tatlong loveteams — John Lloyd Cruz-Bea Alonzo, Anne Curtis-Luis Manzano at Angelica Panganiban-Jason Abalos.

Iba’t ibang kuwento ng pag-ibig ang All About Love. Mabilis ang shooting ng movie dahil tatlong direktor ang nagdidirek ng tatlong magkakaibang kuwento — sina Jerry Sineneng, Joyce Bernal at Don Cuaresma.

Si Don Cuaresma sa Angelica-Jason story. Si Jerry Sineneng sa John Lloyd-Bea story at si Joyce Bernal sa Anne-Luis.

Kapansin-pansin na pinagtutuunan ng pansin ng Star Cinema ang mga loveteams na tampok sa mga teleserye ng ABS-CBN. Sina Anne at Luis sa Kampanerang Kuba while sina John Lloyd-Bea sa Ikaw Ang Lahat Sa Akin. Sina Angelica at Jason naman sa nalalapit nang Vietnam Rose.

All About Love has a September playdate.