Pumirma rin ng kontrata si Nadine sa Rocketts Films na kung saan ay gaganap siya bilang utol ni Ronnie Ricketts sa pelikulang Lagot Ka Sa Kuya Ko. Nagpirmahan sila sa D’ Barns Restaurant na pag-aari nina Ronnie at Mariz. Nandoon din noong lumagda si Nadine sina Angelica Jones, Gerard Pizarras at Carlos Morales.
Masaya si Nadine, kahit siya iniintriga dahil tuluy-tuloy ang pagdating ng swerte sa kanya. Siya iyong sinasabing nang-iisnab kina Yasmien Kurdi at Angel Locsin. Hindi raw niya binabati ang mga ito kapag nagkikita sila.
"Mali po ang balita. Hindi naman kami nag-iisnaban dahil walang dahilan para kami mag-away, sabi ni Nadine. Akala kasi ay pinagseselosan niya si Angel Locsin, dahil sila ngayon ni Oyo Boy Sotto na nabalitang boyfriend niya noon. Kahit kailan daw, hindi naging sila ni Oyo Boy.
Ngayon nga, sinalo ni Nadine ang Darna, dahil nawala si Angel Locsin nang mag-shooting sa US kasama si Richard Gutierrez. Ayaw mag-comment ni Nadine, kung sa kanya matatapos ang Darna dahil mamamatay dito si Darna. Siya ang iibigin ni Dennis Trillo. — VIR GONZALES