World class magicians, nasa Mandaluyong City!

Marami na rin akong napanood na magic o illusion pero, first time ko na mapanood yung gimik ng tandem nina Simon and Silver na anang isa sa nanood ng Spectaculo, ang magic dinner show ng Club Mwah! at napapanood tuwing Biyernes at Sabado, 7:00 NG, ay "Yan yung napanood ko sa Las Vegas, sa MGM Hotel. Silang-sila yun!"

But, of course, sila Simon and Silver nga yun na dinala rito sa Pilipinas ni Pocholo Mallilin para mapanood ng mga pumupunta ng Club Mwah!

At dahil siguro mga lehitimong world class performers kung kaya 99% ng acts nila ay first time ko na nakita. Tulad nung lalaking pinutol ang katawan nang nakatayo. Dinala pa nung itaas na bahagi ng katawan ang kanyang ibabang bahagi. At dahil napakalapit ng stage sa audience kung kaya kitang-kita mo kung may daya. At magka-meron man, napaka-galing nila para hindi ito makita ng audience.

Ang colleague ngang si Vir Gonzales ay hangang-hanga, ayaw kumurap dahil anytime, may mami-miss siyang kaganapan.

Ang magandang sa palabas na Spectaculo ay hinaluan ito ng napakagagandang musical number at hindi basta illusion o magic na one after the other. Ginawan ito ng magagandang production number na maging ang dalawang magicians ay participants.

Favorite ko yung paglabas ng isang tao sa tiyan ng isa sa dalawang magician. Kung paano nila ginawa yun dun mismo, right under our noses ay talagang kahanga-hanga. Dapat nandun kayo para maniwala kayo.

Go kayo, samantalahin n’yo ang isang world act na narito sa ating bansa for a limited time lamang.

Still ongoing, tuwing 10PM, Fridays and Saturdays, ang Bedazzled na dinadayo na ng mga manonood. At ang Follies de Mwah, Tuesdays to Thursdays, 10:30 PM. Pareho itong musical vignettes ng mga Broadway plays.

* * *

Ang digital film na Ang Pagdadalaga ni Maximo Oliveros ang nanalo ng Jury Prize sa pagtatapos ng 1st Cinemalaya Philippine Independent Film, Festival na ginanap sa CCP Main Theater last Sunday.

Ang pelikula ay tungkol sa isang kabataang lalaki na na-in love sa isang pulis at dinirek ni Auraeus Solito.

* * *

Ang Syato ay isang five piece band na binubuo nina RJ Jayme sa vocals, Yugel Lasorata sa bass, Joseph Gonzales at Jay Flores sa gitara at Mike Santos sa drums. May ini-release ang Ivory Records na self-titled album nila na nagtataglay ng 10-all-Tagalog originals na may malalakas na impluwensya ng Beatles, Kinks at Everly Brothers na feel na feel sa mga awitin nilang "Lubusan", "Sa ‘Yo Lang" at ‘Scorpio". Carrier single ng album ang "Kailanman".

* * *

Maganda pala yung story ni Jonalyn Viray na featured sa Magpakailanman nung Huwebes ng gabi. Magka-mukha talaga pala sila ni Ciara Sotto kaya akala mo, si Jonalyn yung gumaganap sa istorya niya. I’m sure, malaki ang pagsisisi na nadarama ang kanyang ina (played by Lani Mercado) sa ginawa nitong pag-iwan sa kanila. Di rin nakapagtataka kung di siya pinatawad ng kanyang anak. Pero dahilan nga siguro sa magandang impluwensya ng kanyang ama at pangalawang ina nito (ably portrayed by Gardo Versoza and Shiela Israel) kung kaya naging mapagpatawad si Jonalyn.

* * *

Nangangailangan ang Staezone Entertainment ng mga artist at model para sa ramp, print ads at TV commercials at mga stand up comedians, singers, band members at dancers.

Pwede kayong mag-apply ngayong, 1:00 NH sa 3rd flr, ng Djaka Bar & Restaurant, 184 Morato, QC. Magdala lamang ng half & whole body photos. 3R at minus one o CD para sa mga singer at dancer. Pwedeng tumawag sa 4384320/4227074 o sa MB 09106744350/09208275385

Makipag-ugnayan kay Director Gilbert Pampi or Tita Baby.

* * *

Email: veronica@philstar.net.ph