Madam Violett ramdam ang pulitika sa MMFF

"Naniniwala akong may pulitika sa MMFF (Metro Manila Film Festival). Pero sana naman mabuksan ang kaisipan nila na may mga pelikulang karapat-dapat at narito ang totoong pelikula," sabi ni Madam Violet Sevilla of Violett Films nang hingan siya ng reaction tungkol sa naging result ng pilian ng official entries ng Manila Film Festival sa December. She submitted three scripts. Pero kahit isa, walang napili. Kasama sa three scripts ang Alis Bayan, Balik Bayan starring Gabby Concepcion and Judy Ann Santos; Emmanuel starring Regine Velasquez and Ariel Rivera and Huwag Hatulan Ang Puso starring Vilma Santos and Christopher de Leon. Pero sad to say nga, kahit isa sa nabanggit walang napili para sa seven finalists.

Pero walang planong sumuko si Madam Violet kahit dedma ang selection committee sa magaganda niya sanang pelikula. "Hindi ako titigil hangga’t hindi nila kami napapansin," declared Madam Violet in an interview.

May natitira pang three slots for MMFF finished products category na January 1 ang target playdate. Plano niyang i-pursue ang Alis Bayan, Balik Bayan na comeback movie ni Gabby Concepcion. May nakikipag-negotiate na kay Gabby. And agree naman daw itong gumawa uli ng movie although hindi pa niya alam ang tungkol sa talent fee ng actor na naka-base na ngayon sa Amerika.

Si Madam Violett ang producer ng Magnifico na pinuri sa maraming film festival abroad after na isnabin ng MMFF.

Pero ayaw mag-react ni Madam sa mga napili sa MMFF 2005. "Ayokong makipag-away. For pakikisama, wala akong sama ng loob sa kanila," she said.

* * *

Gusto na sana palang pakasalan ni Troy Montero si Aubrey Miles. Pero si Aubrey ang hindi pa ready. "Siya kasi every time na nag-uusap kami, future na namin ang topic. Ako naman, hindi pa ready. Siguro five years from now pa," kuwento ni Aubrey.

So nang mag-reconcile sila two weeks ago, nag-compromise sila na kailangang hintayin siya ni Troy kasi kung hindi siya (Troy) willing mag-wait, magiging useless ang reconciliation nila. Five years ang hiningi niya para maghintay ang actor.

Kasi wala naman daw problema sa attitude ni Troy, in fact feeling nga ni Aubrey sobrang bait ng actor. Hindi nambababae. Unlike her na may pagka-selosa at demanding, lahat alam kung anong ginagawa ni Troy. "Siya kasi hindi ganoon ang attitude. Iba ang personality niya. Ako kasi lahat ng ginagawa ko tini-text ko - kung nasaang bar na ako or kung magta-transfer ako."

Almost two months din silang break. At naging aggressive si Troy na balikan siya nang ma-link na siya kay Paolo Bediones na in fairness ay hindi naman daw umabot sa point na nagsabi ang TV host ng I like you sa kanya (Aubrey). "Lumalabas lang kami. At na-realize ko na pareho kami ng attitude. ‘Yung tipong everytime na nasa labas siya nagti-text at nagsasabi kung nasaan siya. Ganoon ako eh. Siguro nga nakakuha ako ng katapat kay (Paolo)," kuwento pa ni Aubrey.

Yun nga lang, naudlot ang sa kanila ni Paolo dahil naging masigasig nga si Troy na balikan siya. "Nang malaman niya ‘yung kay Paolo, tumatawag na uli siya. Nagsimula na uli siyang ligawan ang mommy ko. Saka before nagti-text lang siya, pero no’ng may issue na sa amin ni Paolo parati na siyang tumatawag."

Well, na-afraid siguro si Troy na tuluyan na sa kanyang mawala ang actress.

Anyway, wala na palang interes si Troy sa showbiz. In fact, hinihintay na lang siya nito dahil sa Amerika pala ni Troy planong mag-settle ng pamilya. Busy daw ito sa mga shows sa abroad.

* * *

Pormal nang kinasuhan ni Claudine Barretto si Jo-Ann Maglipon ng Hi! and Yes Magazine. Ito ay matapos ma-published sa Hi! ang dedication ng ‘anak’ nila ni Raymart Santiago na si Sabina a month ago. Ipinakiusap umano ni Claudine na walang coverage ang nasabing dedication. Pero isang ninong umano ang nagbigay ng photos sa Summit Publications.

Hindi umano ito ang unang pagkakataon na ginawa ito ng Summit.

Isinampa ang kaso kahapon sa Quezon City Regional Trial Court.

Narito ang official statement ng actress:

"Responsible journalism requires a fair and objective reportage of events, even if the issues involve public figures like movie and TV personalities.

"However, a few individuals believe that it is their God-given right to trample on a public figure’s privacy at the expense of the latter’s hard-earned reputation, with no other perceivable motive than to earn a living at the expense of another.

"For the past several years, I have been a victim of unfair and irresponsible journalism in violation of my and my family’s basic human rights. I may be a public personality, but I also deserve to be treated like a human being.

"I now exercise my right to fight back, and in the proper forum. I have sued Ms. Jo-Ann Maglipon to compensate me for the pain and suffering she has caused me and my loved ones. I have also asked that she and the people she employs be forever restrained from being near me within a radius of two hundred fifty (250) meters, to ensure that she cannot cause further damage in the future.

"I know that I will not be alone in this struggle to assert the rights of TV and movie personalities. Please pray for me."

Eight million ang hinihinging danyos ng actress.

Wala pang opisyal na pahayag si Ms. Maglipon.

* * *

Sign na nga ba ang interview ni Judy Ann Santos sa Showbiz Stripped tonight nang paglipat niya sa GMA 7?

Isa kasi si Juday sa mga guest ng SS sa episode na Ako, Ako, Lagi na lang Ako. Kasama niyang magsasalita sina Teri Onor, Angel Aquino, Aubrey Miles, Ara Mina and Dino Ignacio.

Anyway, kasama si Juday sa maraming artista na breadwinner. At sa pagsasalita nilang ito, idi-detalye niya ang mga paghihirap nila dahil sa pagpapahalaga sa kanilang pamilya.

Gaano ba nila kamahal ang kanilang pamilya at ano ang puwede nilang gawin para sa ikaliligaya ng kanilang minamahal.

Worth it ba ang kanilang ginagawa? Ano na ba ang priority nila ngayon sa buhay?

Panoorin ang SS na papasok na sa second season.