Sikat na dermatologist favorite topic ni Vicki Belo

Maraming nagtataka kung bakit si Korina Sanchez ang ipinadala sa Amerika to join the Kapamilya Caravan instead of Karen Davila na siyang anchor ngayon ng TV Patrol World.

Dalawang version ang kumakalat sa ABS-CBN tungkol sa isyung ito, sabi ng iba, "Mas type ng management si Korina kasi mas magaling kay Karen."

Ay ganyan, e, bakit si Karen ang nakaupo sa TV Patrol World kung mas magaling si Korina sa kanya?

At ang pangalawang, "Kuwento naman ni Karen, tinanggihan daw niya ang offer kasi busy siya."

At napa-‘ay ganyan’ uli kami dahil lumalabas na second choice lang si Korina na siyang mas senior kay Karen?

Hindi in speaking terms ngayon sina Korina at Karen dahil sa pag-upo ng huli sa TV Patrol World at iba pang isyu.

Curious lang kami kung anong comment ni Korina kapag nalaman niyang si Karen pala ang tumangging sumama sa Amerika at second choice lang siya.

* * *

Ayaw naming isiping mahilig sa kontrobersya o isyu si Dr. Manny Calayan dahil everytime na may magi-interbyu sa kanya ay tinatanong muna niya kung anong topic at kung update lang sa kanya ay hindi niya ito feel.

Ito ang karanasan ng isang reporter na nautusang interbyuhin siya para sa pag-alis niya kasama ang GMA talents na magpe-perform sa launching ng GMA Pinoy TV sa July 23.

Tinawagan ng naturang reporter si Dr. Manny para interbyuhin, pero ang unang tanong nga ay ano ang isyu at sinagot nga siya ng "Update lang po para sa pagpunta ninyo sa Amerika."

Nagulat ang reporter dahil sinagot daw siya ng naturang doktor ng "Ay, walang isyu sa amin ni Belo?"

At sinagot uli siya ng reporter, "Wala po, ‘yun lang po ang utos sa akin," at hindi na raw nagpa-interbyu pa si Dr. Calayan.

* * *

Nagdagdag na pala ng oras ang Goin’ Bulilit na napapanood every Sunday sa Channel 2, magiging isang oras at kalahati na ito na katapat ng Bubble Gang, Jr. sa GMA 7.

Last Sunday ay back to back ang Bubble Gang Jr. at Mahiwagang Baul na mas pumalo pa sa ratings kumpara sa Bubble Gang Jr.

Inamin mismo ng taga-Dos na, "Bale two shows na ang katapat ng Bulilit, kaya kailangan naming magdagdag ng oras and segments.

"Although maganda ang ratings namin, siyempre hindi kami dapat makampante sa kalaban."

Samantala, hindi rin namin alam kung saan dadalhin ni Direk Al Quinn ang mga bagets na ino-audition niya ngayon, either isasama sa Bahay Mo Ba ‘To? na siya rin ang director o kapalit ng Mahiwagang Baul na ilang episodes lang ang kontrata o kapalit ng Bubble Gang Jr. na hirap humataw sa ratings?

* * *

Hindi namin knows kung nang aasar para ma-challenge o sadyang binubuska lang ni Sunshine Dizon ang kapwa challengers sa Extra Challenge na sina Polo Ravales, Mark Herras at Jennylyn Mercado.

Sa apat na challengers ay si Sunshine ang hindi takot sa tubig dahil komo bata palang ay laman na siya ng swimming pool at dagat, kumpara sa tatlong nabanggit na hindi sanay makulong sa ilalim ng tubig.

Kuwento naman ng taga-EC ay wala naman silang naramdamang tensyon sa mga bida ng Encantadia dahil off cam ay nagkukwentuhan sila at nag-aasaran pa, maliban kay Jennylyn na halatang kulang sa tulog at pagod na dahil nu’ng time na kinunan siya for Extra Challenge ay kapapa-pack up lang niya mula sa taping.

Maganda ang ratings ng EC ngayong linggo, patunay lang na maraming nag aabang ng loveteam nina Mark at Jennylyn at ng ex lovers na sina Polo at Sunshine. — REGGEE BONOAN