Isang cerebral palsy patient ang skating champ

It’s always exciting na mapanood si John Lloyd Cruz sa Maalaala Mo Kaya. The last time he was seen sa nasabing top-rating drama show ay sa life story ni Senator Rene Cayetano where he played Lino Cayetano. Isa ‘yon sa mga unforgettable episodes ng Maalaala Mo Kaya.

Ngayong gabi, John Lloyd will again topbill an episode. Siya ang bida sa life story ni Jonnel Enorme, isang afflicted with cerebral palsy. Pero sa kabila ng kanyang kapansanan, hindi ito naging hadlang para mabuhay siya ng normal. At maipagpatuloy ang kanyang pangarap. Si Jonnel ay isang skating gold medalist.

When offered the role, John Lloyd easily agreed to do it. Very challenging ang nasabing role.

At sa patuloy na paglilingkod ng Maalaala Mo Kaya sa kanilang mga letter senders, magiging instrumental ang programa para makatulong na makapunta sa America si Jonnel para mag-compete sa isang skating competition.

Sa pamamagitan ng text, puwede kayong makatulong. Just text in MMK GIVE at i-send sa 231 for Smart, Talk N’ Text at Addict Mobile at 2331 naman for Globe at Touch Mobile. Malaking tulong ang malilikom ng MMK para sa nalalapit na competition ni Jonnel sa America ngayong July.

* * *

Sa Homeboy ngayong umaga, usapang kape ang magiging takbo ng programa. Usung-uso ang mga coffee shop ngayon. Kanya-kanyang gimik ang mga coffee shops. May iba na nagu-offer ng free internet access. May iba naman, tipong mini library ang drama.

Kaya dapat tumutok ngayong umaga ang mga taong mahilig sa kape. Dahil alam n’yo ba na maraming produkto ngayon ay gawa sa kape? Sabon, lotion at iba pa. At sinasabi na ang pinakamahal na kape sa buong mundo ay gawa sa Pilipinas.

* * *

Hindi maitatanggi na in na in ngayon sa telebisyon ang mga batang artista. Simula na naman ang pagbibida ng mga child stars sa iba’t ibang programa. At hindi rin maitatanggi na ang mga batang cast ng Mga Anghel Na Walang Langit ay pinaka-promising na child performers ngayon. Sa mura nilang edad, kahanga-hanga ang ipinamamalas nilang acting.

To quote Maryo delos Reyes, "They are simply great actors! Ang sarap magtrabaho kapag ang artista mo e sing-gagaling ng mga bida ko sa Mga Anghel…..

At dahil sa kanilang husay, sikat na sikat ngayon ang limang bidang bata sa nasabing soap opera na kinabibilangan nina John Manalo, Miles Ocampo, Carl John Barrameda, Nikki Bagaporo at Sharlene San Pedro.

Ang limang batang bida ng Mga Anghel Na Walang Langit ay produkto rin ng top rating kids gag show na Goin’ Bulilit.